BACOLOD MAY NAGAKAIGO NGA SUPLAY SANG BAKUNA PARA SA NATIONAL VACCINATION DAYS

Share on facebook
Share on google
Share on pinterest
Share on twitter
Share on print

Ginpasiguro ni Dr. Chris Sorongon deputy for medical and data analysis sang EOC nga wala sang dapat kabalak-an ang mga Bacolodnon kon supply sang bakuna ang paga hambalan angut sa naga padayon nga national vaccination drive.

Suno kay Sorongon, magluwas sa available nga vaccine nga yara sa cold room facility sang syudad, nagpasiguro man ang national government nga handa sila sa pag deliver sang dugang nga vaccine bisan ano man nga oras kon kinahangalanon.

Sa pihak nga bahin, gin klaro man ni Sorongon nga apisar sang natabo nga pagdagsa sang mga Bacolodnon sa nagkalain lain nga mga resbakuna centers, ma sarangan sang mga vaccinators ang ila trabaho sa sulod sang tatlo ka adlaw. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

OTORIDAD PADAYON NGA GINA USISA ANG KAMATAYON SANG PULIS NGA NASAPWAN SA HINIGARAN

Nagapati ni Police Capt. John Christopher Masangkay hepe sang Police Station 5 nga nagabinutig si Constancio Canoy Jr. nga upod ni Police Corporal Nestor Madelo sang matabo ang aksidente sadtong Sabado sang gab-i sa Barangay Sum-ag syudad sang Bacolod.

Si Canoy ang nagamaneho sang carry samtang sakay si Madelo sang na aksidente sa Barangay Sum-ag.

Suno kay Masangkay, may ginatago kag luyag ni Canoy nga patalangon ang imbestigasyon sang kapulisan angot sa natabo nga aksidente.

Natingala si Masangkay nga sabaylo dal-on ni Canoy ang pilason nga si Madelo iya ginbilin sa Bangga Akas Barangay Pilar banwa sang Hinigaran sa diin didto nakita ang patay nga lawas sang pulis.

Indi mabaton ni Masangkay ang rason ni Canoy nga hubog kag nahadlok ini kabangdanan nga ginbilin niya ang biktima sa nasambit nga lugar.

Nagapati si Masangkay may iban pa nga motibo si Canoy kon nga-a didto niya gindala sa lugar ang biktima. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD MAGAKUHA SANG 110 KA DESO TECHNICAL STAFF

Magakuha ang Comelec Bacolod sang 110 ka mga DESO Technical Staff sa maabot nga Mayo 9, 2022 nga eleksyon.

Ang DESO Technical Staff amo ang in charge sa paghatag sang Vote Counting Machine Technical Support kag pag assist sa electoral board ukon EBs.

Suno kay Acting Bacolod Election Officer Atty. Revo Sorbito, kaina sang aga Enero 24 may exam nga ginpatigayon sa duha ka batch sang mga applikante para sa amo nga posisyon samtang sa Enero 26 ang isa pa ka schedule sang exam.

Dugang pa ni Sorbito, mas luyag nila nga magkuha sang mga manunudlo bilang DESO Technical Staff kag bukas man sa iban nga aplikante ilabi na ang may ihibalo sa computer.

Samtang, nakabaton na sang go signal ang Comelec Bacolod gikan sa Comelec sa probinsya sa pag release sang listahan sang mga botante sa mga nagapangabay nga mga aspirant.

Suno kay Sorbito, iban sa mga nagapangabay ang nagbilin sang flash drive sa ila opisina kag amat-amat na nga gina asikaso sang mga personnel sang Comelec.

Ang Bacolod City ang may masobra 320 mil ka mga registered voters sa Mayo 9, 2022 nga piniliay.

Samtang, ginpahayag ni Sorbito, nga sa Comelec Central Office na kinahanglan nga ipa register sang mga aspirant ang ila mga official social media accounts.

Ang mga aspirant ang ginhatagan tubtob Enero 31, 2022 para mag pa register sa Education and Information Department (EID).

Sa pihak nga bahin, ginpahayag ni Sorbito, nga padayon pa sini nga ginatipon kag gina-address ang mga concern, kasunod nga tinalikdan nga semana lang ini nagpungko bilang acting election officer sang Comelec Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.