BACOLOD NAG UMPISA NA PANAGTAG SANG THIRD WAVE SANG FOOD PACKS

Share on facebook
Share on google
Share on pinterest
Share on twitter
Share on print
(Bacolod PIO Photo)

Nag umpisa na sa pag panagtag sang 3rd wave sang food packs ang lokal nga panguluhan sa syudad sang Bacolod para sa mga residente nga natumod bilang benepisaryo sang amo nga programa.

Suno kay Bacolod City DSSD head Pacita Tero, base sa schedule nga ila gin dihon, una nga gin hatagan sang ayuda ang mga numbered Barangays subong nga adlaw, Mayo 21 samtang gin talana ang mga dalagko nga Barangay bwas nga adlaw, Mayo 22.

Dugang pa ni Tero, diskwalipikado sa amo nga programa ang mga residente nga naka baton sang bulig pinansyal paagi sa Social Amelioration Program lakip na ang mga 4Ps beneficiaries.

Gin klaro man sini nga ang mga opisyales na sang tagsa ka mga Barangay ang ila gin tugyanan para sa pag himo sang naga kaigo nga listahan.

Sa nahibaluan nga ang syudad ang may yara sang 42 mil ka mga foods packs nga gin preparar para sa 3rd wave, kag ang tagsa ka mga benepisaryo ang maga baton sang tag pito ka kilo sang bugas kag mga delatas samtang indi naman tanan ang maka baton sang noodles bangud sa kakulang sang supply. | Aksyon Art Tayhopon

LALAKI NAKUHAAN SANG 170K NGA BALOR SANG GINAPATIHAN DROGA

Nakuha ang 170,000 mil nga balor sang shabu ang narekober sang Bacolod City Police Office City Drug Enforcement Unit ukon CDEU sa Barangay 40 syudad sang Bacolod.

Ang suspetsado ginkilala kay Erwin Toledo, 36 anyos kag pumuloyo sang Purok Amalez uno Barangay 40 syudad sang Bacolod.

Si Toledo ang nadakpan sa buy-bust operation sa pagpamuno ni CDEU head Police Lt. Edward Bolivar.

Suno kay Bolivar, isa ka bulan ang ila surveillance kay Toledo antis madakpan nga ginakabig nga Street Level Individual.

Dugang pa ni Bolivar, natultolan nila ang ginakuhaan ni Toledo sang shabu nga amo karon ang subject sang ila follow-up operation.

Ginpasaka na sang CDEU ang kaso nga paglapas sang Comprehensive Drug Act of 2002 batok sa nadakpan. | Aksyon Eric Magbanua

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.