Nagumpisa na ang syudad sang Bacolod sa pagrehistro ukon paglista sa mga ambulant vendor, matapos na aprubahan sa final reading ang ordinansa nga nagaregulate sa sini nga sektor.
Suno kay Councilor Celia Flor, chair sang committee on market kag author sang ordinansa, ang mga ambulant vendor ang dapat marehistro para ma regulate kag mag comply sa nagakaigo nga permit kaangay sang special permit, kag may health card.
Dugang pa ni Flor, prayoridad ang mga residente sang syudad sang Bacolod kag gina require sila nga mag sumiter sang Comelec registration.
Ginehemplo ni Flor ang nag viral nga ginaulod nga fried chicken nga mabudlay ma locate bangud wala sang may manugid.
Suno kay Flor, ang ambulant vendor ang dapat may ID, ang ila nga food card ang pagabutangan man sang sticker.
Ang pagregulate sa mga ambulant vendor ang kabahin man sa pagsinapol sang local market committee sa Biernes nga adlaw, Disyembre 1.
