Narecord sang Bacolod ang 13, 403 ka mga indibidwal nga nabakunahan kontra Covid-19 sa sulod sang isa ka adlaw. Ini ang pinakamataas sang nagumpisa ang Covid-19 vaccination sa Bacolod nagligad nga Marso 2021.
Suno kay Dr. Chris Sorongon, deputy for medical sang Bacolod Emergency Operations Center, ini nga record ang mataas ikomparar sa tinalikdan nga record nga 12,000 sa isa ka adlaw.
Sa record, nagbaton sang 1st dose ang 4, 282, 2nd dose ang 6, 494 samtang 2,627 ang nagbaton booster shot.
Ginalantaw ni Sorongon, nga positibo ini nga development ilabi na nga naga double time sila karon sa vaccination para malambot ang herd immunity antes magtakop ang 2021.
Suno pa kay Sorongon, ihatag nila ang tanan nga ikasarang upod ang pribado nga sektor kag Barangay para malambot ang 22,000 doses sa kada adlaw nga target sa tatlo ka adlaw nga National Covid-19 Vaccination days, base sa gintalana sang National Vaccination Operation Center.