BACOLOD NAKARECORD SANG ALL-TIME HIGH 189 NEW COVID-19 CASES

Share on facebook
Share on google
Share on pinterest
Share on twitter
Share on print

Narecord sang Bacolod Emergency Operations Center ang all-time high nga 189 new Covid-19 cases sa syudad sang Bacolod subong nga adlaw, Lunes.

Ini suno kay Bacolod EOC Executive Director Em Ang, base sa ila nga real-time data kag sa report sang mga molecular laboratory sa syudad kagab-i, Dominggo.

Suno kay Ang, ini ang pinakataas nga na record humalin sang nagsugod ang pandemic, mas mataas ikomparar sa  tinalikdan nga record nga 180 cases sang Mayo 2021.

Ginpahayag ni Ang, nga kalabanan sa mga new Covid-19 cases ang mga may travel history sa iban nga lugar, nagabusong kay may comorbidity, pero madamo sa ila ang asymptomatic.

Suno kay Ang, apiesar sang mataas nga new Cases, nagapabilin nga manubo ang hospital care utilization rate nga yara sa 31% sa tanan nga hospital sa Bacolod, isa lamang ang yara sa ICU Covid-bed, kag isa ang narecord nga patay subong nga bulan.

Ginatugutan man sang EOC ang home quarantine sa mga nagapositibo sa virus kon malambot ang requirement, nga wala sang sintomas nga ginabatyag, may separado nga kwarto kag banyo, kag fully vaccinated ang mga kaupod sa balay.

Sa record sang EOC, tatlo ka mga public school nga naga serbe nga quarantine center samtang dugang nga walo ang handa nga buksan sa tion nga kinahanglanon.

Samtang, naga average sa 6,000 tubtob 8,000 ang daily average sa Covid-19 vaccination program sa syudad sang Bacolod.

Suno kay Ang, padayon nga nagasaka ang daily average sang vaccination output kag accomplishment sang kada vaccination team.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.