Padayon nga gamiton bilang quarantine facility sang lokal nga panguluhan sa syudad sang Bacolod ang pila ka mga pampubliko nga mga buluthuan ilabi na nga wala man sang patigayunon nga face to face activity ang DepEd angut sa natalana nga pagbukas sang klase sa Agosto 24.
Suno kay Councilor Renecito Novero Chairman sang Quarantine Facility Action Team ukon QCAT, ini ang nangin resulta sang ila meeting damlag lang upod sa mga miyembro sang local school board sa syudad.
Suno kay Novero, natalana man nga maga padala sang sulat ang iya talatapan sa pamunuan sang DepEd sa Nasyunal kag Region 6, angut sa posible padayon nga pag gamit sang mga eskwelahan bilang quarantine facilities pagkatapos sang Hunyo 30. | Aksyon Art Tahopon