Plano sang lokal nga panguluhan sa syudad sang Bacolod nga magpatigayon na sang vaccination activity sa kada Barangay umpisa sa masunod nga semana.
Suno kay local IATF Chairman Vice Mayor Elcid Familiaran, ini nga inisyatibo ang kabahin sang stratehiya nga luyag ipatuman ni Mayor Bing Leonardia kasunod sang natabo nga pagtaas sa kaso sang COVID 19 sa diin liwat nga naglab-ot sa tripple digit.
Dugang pa ni Familiaran, ini man ang rason kon nga-a nagpatigayon sang Zoom meeting sa mga Punong Barangay ang alkalde tinalikdan nga gab-i.
Magluwas sa pagpasanyog sang vaccination drive, gina paabot man sang bise alkalde ang lubos nga suporta sang tagsa ka mga opisyales sa Barangay para sa lapnagon nga Information and Education campaign kasunod sang nagnubo nga porsiyento sang mga Bacolodnon nga naga pabakuna. | Aksyon Art Tayhopon