BACOLODNON, NAKUHAAN SANG GINAPATIHAN DROGA KAG ARMAS SA NAGLUNTAD NGA KOMOSYON SA HIMAMAYLAN

Share on facebook
Share on pinterest
Share on twitter
Share on print

Dakop ang isa ka Bacolodnon matapos makuhaan sang ilegal nga armas kag ilegal nga droga sa isa ka komosyon nga nagluntad sa Sitio Batang, Brgy Talaban, syudad sang Himamaylan pasado la 1 sang hapon, Nobyembre 16.

Ang suspetsado ang ginkilala kay Ronan Oliva, 22 anyos kag residente sang Purok Dawis, Brgy 14, syudad sang Bacolod.

Suno kay Police Major Randy Babor, Deputy Chief of Police sang Himamaylan Component City Police Station, nagrespondi lamang ang kapulisan sa komosyon kun sa diin imbolbado ang mga “gang”.

Sang gin-rekisa ang mga imbolbado sa inaway, nakuhaan si Oliva sang isa ka pin gun kag duha ka sachet sang ginasuspetsuhan shabu.

Ang shabu nga nakumpiskar ang ginabulubanta nagabug-at sang kapin isa ka gramos kag nagabili sang 3,400 pesos.

Priso karun si Oliva sa custodial facility sang Himamaylan CCPS. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.