Ginbawian sang kabuhi ang bana sang bun-on sang asawa sa Sitio Agtotonoy, Barangay Prosperidad, Syudad sang San Carlos mga las 8 subong nga gab-i, Hulyo 22, 2021.
Ang napatay ginkilala kay Angelito Cedon, 44 anyos, samtang ang suspetsado ginkilala naman nga si Mary Jane Cedon, 28 anyos tanan nagapuyo sa amo man nga lugar.
Basi sa imbestigasyon sang San Carlos PNP, hubog ang bana kag nag run amock nga gilayon ginkuga ang asawa.
Naubos ang pasensya sang suspetsado kag nagkuha sang kutsilyo kag ginbuno ang biktima sang makapila ka beses tubtob nga mapatay.
Nagsungka naman gilayon ang suspetsado sa Barangay opisyal nga karun yara na sa kustodiya sang kapulisan. | Aksyon Bryan Morden