BANGKAY NGA NAKIT-AN SA MURCIA WALA SA GIHAPON SANG IDENTITY

Share on facebook
Share on pinterest
Share on twitter
Share on print

Ipaidalom sa DNA test ang bone sample sang bangkay nga nasapwan sa tunga sang kampo sa Barangay Cansilayan banwa sang Murcia pasado las 10 sang aga, Hwebes (Nobyembre 16).

Suno kay Police Major Marc Joeil Reclamado, hepe sang Murcia PNP, mahimo nga isa tubtob duha na ka bulan nga ginbilin ang bangkay bangud nagakaagnas na ini.

Dugang pa ni Reclamado, wala sang palatandaan kun ini babaye ukon lalaki bangud tul-an kag panit na lamang ang nakit-an sa crime scene.

Palayag ni Reclamado, wala man sang ID ukon dokumento nga nakita ang otoridad gani mabudlay ini nga makilala.

Pinaagi sa DNA test mahibaloan kun babaye ukon lalaki ang napatay.

Wala naman sa rekord sang PNP nga may nadula nga persona sa banwa sang Murcia sang nakaligad nga semana.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 700K NGA MOTOR OIL KAG BATTERY SA MOTORPOOL SANG KAPITOLYO, GINKAWAT

Ginatutukan sang Provincial Legal Office (PLO) ang angulo nga ‘inside job’ kag kapabayaan sang mga naka-duty nga gwardiya, sa natabo nga pagpangawat sang masobra tunga sa milyon ka pesos nga balor sang motor oil kag battery sa motorpool sang Provincial Engineering Office (PEO) sa dalan Gatuslao syudad sang Bacolod.

Suno kay Provincial Legal Officer Atty. Alberto Nellas Jr., ila pagahulaton ang resulta sa imbestigasyon sang mga kapulisan, antis desisyonan kun papanaugan sang penalidad ang mga empleyado ukon gwardiya nga nakadestino sa lugar.

Sa record sang PLO, P282,753.00 nga balor sang motor oil kag P472,553.00 nga battery ang nadula.

Nag-agi ang mga kawatan paagi sa pagbuho sa pader sang motorpool nga tupad sang mga panimalay sa Brgy. 6 syudad sang Bacolod.

Sa karon may ginatutukan na ang PLO nga persons of interest.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.