BANGKAY SANG HARDINERO NASAPWAN SA TALISAY CITY

Share on facebook
Share on google
Share on pinterest
Share on twitter
Share on print
(Talisay PNP Photo)

Patay ang isa ka hardeniro sa sulod sang iya payag-payag sa pribado nga resort sang Almadria Highlands, Sitio Mambucano, Barangay Cabatangan, Syudad sang Talisay kagab-i.

Ang biktima ginkilala kay Rogelio Ducay, legal ang edad kag nagapuyo sa amo man nga lugar.

Ang mga ginatudlo nga persons of interest amo ang magtiyo nga sanday Cerelo Salapas nagaserbi nga tagbantay sang isa ka farm kag Rogelio Armamento ginakabig nga watchman sa amo nga resorts kag kaupod sang biktima.

Sa inisyal nga imbestigasyon sang Talisay PNP, nasapwan si Ducay sa guwa sang iya payag nga may pilas sa ulo kag patay na.

May dinumogay pa nga natabo sa sulod sang iya ginapuy-an, bangud naglinapta ang kagamitan, may dugo sa iya kasilyas kag ginganoy pa paguwa basi sa sugo nga nagalinapta.

Suno sa imbestigador sang Talisay PNP nga si Pcpl Aljon Bautista, posible nga nagasuya-ay sa trabaho ang nagapanguna nga motibo sang krimen, matapos gin-alegar pagpahalin kay Armamento bilang watchman sa ila gina-ubrahan. Ginapreparar na ang kaso pagpatay batok sa mga suspetsado. | Aksyon Bryan Morden

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

LALAKI NAKUHAAN SANG 170K NGA BALOR SANG GINAPATIHAN DROGA

Nakuha ang 170,000 mil nga balor sang shabu ang narekober sang Bacolod City Police Office City Drug Enforcement Unit ukon CDEU sa Barangay 40 syudad sang Bacolod.

Ang suspetsado ginkilala kay Erwin Toledo, 36 anyos kag pumuloyo sang Purok Amalez uno Barangay 40 syudad sang Bacolod.

Si Toledo ang nadakpan sa buy-bust operation sa pagpamuno ni CDEU head Police Lt. Edward Bolivar.

Suno kay Bolivar, isa ka bulan ang ila surveillance kay Toledo antis madakpan nga ginakabig nga Street Level Individual.

Dugang pa ni Bolivar, natultolan nila ang ginakuhaan ni Toledo sang shabu nga amo karon ang subject sang ila follow-up operation.

Ginpasaka na sang CDEU ang kaso nga paglapas sang Comprehensive Drug Act of 2002 batok sa nadakpan. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.