BANGKAY SANG LALAKI NGA UTOD ANG ULO NASAPWAN SA TALISAY CITY

Share on facebook
Share on pinterest
Share on twitter
Share on print

Nasapwan ang bangkay sang lalaki nga gin utdan sang ulo sa Hacienda Sagrado II Barangay Zone, 16, Talisay City, takna las 10:15 subong nga gab-i, Sabado.

Isa ka lalaki nga naka motorsiklo ang naglabay sa lugar ang una nagtawag sa kapulisan matapos nakit-an ang ulo sa dalan.

Wala pa sang identity ang biktima nga ginabanta naga edad 35 tubtob 45 anyos, may tattoo nga “M.D 4 BOYS” sa tuo nga abaga, kag 5’4″ ang kataason.

Ang ulo sang biktima ang yara sa dalan samtang ang lawas sini ang yara sa higad dalan.

May igo sang luthang sa ulo ang biktima kag nakagapos.

Suno Kay Lt. Dan Oliver Salazar, deputy chief of police for administration sang Talisay PNP, magapakigangut sila sa Bacolod City Police Office kasunod nga may mga missing nga persona nga na report.

Sa subong, gina proseso pa sang SOCO ang crime scene.

What’s your Reaction?
+1
0
+1
0
+1
0
+1
3
+1
0
+1
0
+1
0

OPERASYON SANG 15 STALLS SA MANOKAN COUNTRY BALIK NA SA NORMAL MATAPOS ANG COMPROMISE AGREEMENT

Ginpahayag ni City Legal Officer Romeo Carlos Ting Jr. nga may yara na sang compromise agreement ang 15 ka mga ginpasira nga stall sa Manokan Country.

Suno kay Ting, las 5 sang hapon sang Lunes, nagpadulong ang mga tenant sa City Treasurer’s Office para sa compromise agreement kon paano nila mabayaran ang ila utang.

Lunes sang aga sang ginpapanaugan sang closure order ang 15 ka mga pwesto sa Manokan Country matapos wala makabayad sang utang sa gintalana nga deadline nga Setyembre 30, 2022.

Lunes sang gab-i sang balik na sa normal ang operasyon sang mga stall nga ginpapanaugan sang closure order.

Sa record sang syudad, may 7.1 million pa ang utang sang ginpapanaugan sang closure order.

Para Kay Ting, nakahibalo sila nga may MassKara Festival, pero ila lamang gina obra ang ila trabaho kag tuyo nga makagawad sang business permit ang mga may pwesto kag ma inspeksyon sa kada tuig para sa sanitary permit para sa kaayuhan sang mga nagakaon sa lugar.

What’s your Reaction?
+1
0
+1
0
+1
0
+1
0
+1
0
+1
0
+1
0

1,387 KA PULIS SA PRO-6 MAGA AUGMENT SA BCPO PARA SA MASSKARA 2022

Kapin 1,387 ka kapulisan gikan sa nagkalain-lain nga units sang Police Regional Office (PRO)-6 ang natalana nga i-augment sa Bacolod City Police Office (BCPO) sa palaabuton nga inadlaw.

Ini man ang magadugang sa security force sang BCPO bangud sang nagapadayon nga Masskara Festival 2022.

Suno kay Police Major Mary Grace Socorro Borio, Spokesperson sang PRO-6, gin-desisyonan sa pagsinapol kahapon (Oktubre 3) nga tungaon sa tatlo ka batch ang pagpadala sang augmentation sa BCPO agud indi man maapektuhan ang trabaho sa iban nga units sang PRO-6.

Dugang pa ni Borio, sa 1,387 nga natalana i-augment; 1,345 diri ang mga Police Non-Commissioned Officers (PNCOs) samtang 42 naman ang Police Commissioned Officers (PCOs).

Kalabanan sa mga kuhaon nga PNCOs amo ang mga bag-o nagtapos sang ila nga training.

Target sang PRO-6 nga malambot ang 2,229 nga PNP personnel requirement basi sa security plan para sa Masskara Festival 2022.

Ginklaro naman ni Borio nga kalakip na sa 1,387 nga augmentation ang ipadala sang Negros Occidental Police Provincial Office (NOCPPO). | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.