BARANGAY MAGA BUTANG SANG BHERTS SA KADA PUROK

Share on facebook
Share on google
Share on pinterest
Share on twitter
Share on print

Maga butang ang Barangay sang Barangay Health Emergency Response Team ukon BHERTS sa kada Purok sa syudad sang Bacolod.

Ini ang isa sa mga gin talakay sa pag sinapol sang Bacolod IATF sa mga Punong Barangay, Martes sang hapon.

Suno kay Vice Mayor El Cid Familiaran, chair sang Bacolod IATF, iga-intensify sang BHERTS ang ila monitoring kasunod nga gina paabot ang pag abot sang mga Locally-Stranded Individuals.

Una nga plano sang syudad nga ang mga persona gikan Iloilo nga maga byahe pa Bacolod ang ipaidalum sa home quarantine samtang ang mga persona gikan Cebu, Manila ukon may madamo nga Covid-19 cases ang ipaidalum sa quarantine sa public school.

Suno sa Bise-Alkalde, gina paabot nga mag mapagwa sang bag-o nga health protocol si Mayor Evelio Leonardia lakip man ang agreement kay Iloilo Mayor Jerry Treñas angut sa sea travel.

Padayun ang panugyan ni Familiaran sa publiko nga importante ang personal hygiene kontra Covid-19. | Aksyon Dale Salazar

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

MORE STORIES:

LIKE US ON FB

error: Ooops... You are not authorized to copy this content.