BARANGAY TANOD, PATAY SANG GINLUTHANG SA MOISES PADILLA

Share on facebook
Share on pinterest
Share on twitter
Share on print

Patay ang isa ka barangay tanod matapos ginluthang sang wala pa makilala nga suspetsado sa Sitio Tibobong, Brgy Quintin Remo, Moises Padilla, pasado las 6 kagab-e, Marso 28.

Ang napatay ang ginkilala kay Marvin Caramihan, 50 anyos kag residente sang Sitio Uway-Uway, Barangay, Quintin Remo sa amo man nga banwa.

Suno kay Police Major Jovito Bose, hepe sang Moises Padilla PNP, sakay sa motorsiklo si Caramihan upod ang iya anum ka tuig nga bata nga lalaki sang natabo ang krimen.

Gin-aligar nga ginpapundo sang isa ka suspetsado ang motorsiklo nga ginamaneho ni Caramihan kag siya ang gintiro gamit ang wala pa matumod nga kalibre sang armas-luthang.

Wala naman napilasan ang menor de edad nga bata sang biktima.

Duha ka mga motibo ang ginatutukan sang kapulisan kalakip na ang aligasyon nga ang biktima informant sang Philippine Army.

Pilas sa lawas kag agtang tuga sang pagtiro ang naangkon ni Caramihan nga gintunaan sang iya nga kamatayon. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.