Patay ang isa ka bata nga babaye sang ini ginbungo-an sang motorsiklo sa Highway sang Hacienda Manuel Ko, Barangay Pandanon Silos, Banwa sang Murcia mga las 6:30 sang gab-i, Domingo Enero 16.
Ang biktima ginkilala kay Niicole Olindang, 7 anyos kag nagapuyo sa Purok Valencia Ko, Barangay Pandanon, Banwa sang Murcia, samtang ang suspetsado ginkilala naman kay Vegerllo Barson, 21 anyos may asawa kag nagapuyo sa Purok super L, Barangay Pandanon, Banwa sang Don Salvador Benedicto.
Suno kay PCpl. Virgil Sedimo, traffic investigator sang Murcia PNP, nagalakat sang kilid sang Highway ang biktima upod sa isa pa sang nabungo-an sang motorsiklo kag nagtabog.
Dugang ni Sedimo, natumba man ang motorsiklo kag pilason man ang driver sini nga sa diin indi pa ma istorya kagab-i.
Palayag pa sang traffic investigator, madulom ang lugar kag posible wala matalupangdan sang driver ang nagalakat nga kabataan.
Ang biktima halin sa bunyag ka nagapa-uli na ini sang natabo ang aksidente. | Aksyon Bryan Morden