Matapos ang 17 ka adlaw sang ginpatay ang Belgian National, napasaka na ang kaso sa korte batok sa apat ka persona nga gina tudlo naghimo sang kremin.
Robbery with Homicide kag Attempted Murder ang ginpasaka nga kaso batok kay Francisco “Jun-Jun” Epogon lider sang Epogon Criminal Group. Dala sa kaso ang utod ni Francisco nga si Ronnie Epogon, tiyo nga si Eddie Epogon kag pakaisa nga si Ariel Rivera.
Suno kay Bacolod City Director Police Col. Henry Biñas, sa kadugayon amat-amat nila natipon ang ebidensya batok sa gropo nga naghimo sang kremin.
Suno kay Biñas makabig niya nga solved na ang kaso sa pagpatay sa Belgian National nga si Carl Nolens matapos napasaka ang kaso.
Suno kay Biñas ang pagsolbar sang kaso ni Nolens ang makahatag sang solusyon sa iban nga kaso nahimo sang gropo.
Madumduman Hunyo 17 sang kaagahon ginsulod sang epogon criminal group ang balay ni nolens sa Villa Angela Subd Brgy. Villamonte, syudad sang Bacolod sa diin ila ginkawatan kag ginpatay ang biktima. | Aksyon Eric Magbanua
