BCPO: JUNKSHOP NGA NAGABAKAL SANG KINAWATAN NGA KABLE PWEDE MAPASAKAAN SANG KASO NGA NAGALAPAS SA ANTI-FENCING LAW

Share on facebook
Share on google
Share on pinterest
Share on twitter
Share on print

Madugay na nga ginpa-andaman sang Bacolod City Police Office ang mga junk-shop owner nga likawan ang magpamakal sang kinawatan nga kable sang PLDT kag Globe Telecommunication.

Suno kay Police Lt. Col. David Cachumbo, Deputy City Director for Operation sang Bacolod City Police Office mahapos sa mga tag-iya sang junk shop ang mag-identify sang kinawatan nga ginabaligya sa ila.

Dugang pa ni Cachumbo, ang sin-o man nga tag-iya sang junk-shop madakpan nagabakal sang kinawatan sarang mapasakaan sang kaso “anti-fencing law”.

Sadto pa ginmando ni Cachumbo sa napulo ka hepe nga pabakuron ang police visibility patrol oras sang kagab-ihon kag kaagahon sa mga lugar nga madulom agod mapahatan-hagan ang kinawatay sang kable.

Suno pa kay Cachumbo may mga persona na sila nga nadakpan kag napasakaan sang kaso sa korte.

Samtang, may gintukod nga Task Force ang mga Telecommunication Company kag kapulisan agod madakpan ang nagapangawat sang cable-wire diri sa syudad sang Bacolod. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.