MENU

BENITEZ GINLANSAR ANG QR CODE PARA MAKAREKLAMO ANG PUBLIKO BATUK SA OPISINA SANG GOBYERNO UKON BARANGAY

  • at 10:18 pm
Share on facebook
Share on pinterest
Share on twitter
Share on print

Pwede na makareklamo ang mga Bacolodnon sa isa ka talatapan sang gobyerno ukon Barangay.

Ini paagi sa QR Code nga ginlansar ni Mayor Albee Benitez nga kabahin sang Isugid kay Mayor nga programa.

(Albee Benitez FB Photo)

Base sa FB post ni Benitez, kinahanglan ang feedback sang publiko para sa mahapos nga masolusyunan ang mga problema kag mapamaayo ang pa guid ang pagserbisyo sang gobyerno.

Ini na ang ikapaat nga QR code nga pwede ka reklamo ang Bacolodnon, kag una na sadto ang QR code para makareklamo sa isyu sang basura, kuryente kag tubig.

What’s your Reaction?
+1
0
+1
0
+1
0
+1
0
+1
0
+1
0
+1
0

TEMPORARY STALLS SANG MANOKAN COUNTRY GINAPAABOT MATAPOS SA KATAPUSAN SANG MAYO 2024

April 17, 2024

Sa katapusan sang Mayo 2024 ginapaabot ni Councilor Celia Flor nga makasaylo na ang mga tenant sa Manokan Country sa ila temporaryo nga balaligyaan sa parking lot sang SM City Bacolod.

Ginpahayag ni Flor, chair sang committee on market, natalana pa ini nga magsapol sa mga tenant sa masunod nga semana bangud may pila ka mga concern sa ila nga temporary stalls.

Suno kay Flor, luyag sang mga manokan nga sila mismo ang magapatakod sang ila linya sang kuryente kag tubig kag indi na maglabay pa sa SM.

Sa temporary stalls, wala sang renta nga pagabayaran ang mga tenant samtang ginatukod ang bag-o nga manokan country nga magalawig sang 18 ka bulan.

Suno sa Konsehal, nalakip pa sa concern sang mga tenant amo ang magamay nga lugar.

Damlag lang, ginbisita ni Flor ang padayon nga pagtukod sang temporary stalls sa SM.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC MAGAPATIGAYON SANG SPECIAL REGISTRATION SA MGA EMPLEYADO SANG CLMMRH SA ABRIL 18

April 17, 2024

Magapatigayon ang Comelec Bacolod sang special registration sa mga empleyado sang Corazon Locsin Montelibano Memorial Regional Hospital bwas nga adlaw, Abril 18.

Suno kay Election Officer Atty. Kathrina Trinio-Caña, yara sa 1,800 ang empleyado sang hospital kag masobra isa ka gatos ang nagpabutyag nga magparehistro.

Sa sini nga aktibidad, may patigayunon man nga Register Anywhere Project nga pwede maka parehistro bisan sa iban nga LGU.

Ginpahayag ni Trinio-Caña, nga sa RAP Program, kinahanglan nila nga magpadulong sa mga opisina sang gobyerno kag magrehistro kag ang CLMMRH ang una nga napilian.

Ginklaro ni Trinio-Caña, magapadayon man ang registration sa ila nga opisina sa dalan San Juan sa kilid sang BAYS Center.

Sa maabot nga Sabado, Abril 20, may satellite regustratuib ang Comelec Bacolod sa Barangay Tangub.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.