BENITEZ MAGAPAPILI ALKALDE SA BACOLOD; ‘ASENSO BACOLOD’ PAGATUKURON

Share on facebook
Share on google
Share on pinterest
Share on twitter
Share on print

Opisyal  nga gin-anunsiyo ni anay Negros Occidental Third District Cong. Albee Benitez  ang iya nga pagpapili bilang alkalde sa syudad sang Bacolod sa 2022 nga eleksyon.

Ini kasunod sa iya pagtambong sa  hearing sang Election Registration Board angot sa ginpasaka  nga petisyon sa  iya pagsaylo sang rehistrasyon sa syudad sang Bacolod.

Suno kay Benitez, madamo na siya sang nabatian  nga reklamo  sang  Bacolodnon may kaangtanan sa kakulang sang maayo nga pang-gobyerno, kag direksyon pati na ang corruption.

Dugang pa ni Benitez  nga bilang isa ka ‘public servant’  indi niya matalikdan ang ginasingitan sang  mga pumuluyo, gani nagdesisyon siya  nga magpapili alkalde.

Ginpaangid pa sang anay kongresista ang Bacolod sa isa ka tawo nga nalumos,  nga dapat luwason ukon buligan.

Abril 22, 2021 si Benitez  ang nagsaylo sang iya voting registration sa syudad sang Bacolod.

Natalana nga i-anunsiyo ni Benitez sa masunod nga duha ka semana, ang ngalan sang mga kandidato nga iya makaupod para sa 2022 nga eleksyon.

Suno kay Benitez, madamo siya sang ginakonsiderar nga mga kandidato nga iya makaupod sa pagbag-o sa Bacolod.

Pila ka mga personalidad nga masami makit-an nga nagaupod kay Benitez , amo sanday anay Bacolod Vice Mayor Jude Thaddeus Sayson, anay Bacolod kunsehal Homer Bais, anay Provincial Board Member Patrick Lacson, incumbent Board Member Andrew Montelibano, Abang-Lingkod Partylist Cong. Stephen Paduano kag negosyante nga si Vladimir Gonzales.

Ginkompirmar man sini ang ngalan sang ila grupo nga “Asenso Bacolod”.

Samtang, nagapati si Negros Occidental Governor Bong Lacson nga may maayo  nga intensyon si Benitez  para sa syudad sang Bacolod.

Suno kay Lacson, kilala niya si Benitez  bilang maayo  nga public official, mapisan  kag maalam sa trabaho. 

Tuig 2019, gin hire  ni Lacson si Benitez  bilang provincial consultant sa economic affairs.

Nagligad nga Abril  kag Hunyo nagpirma sang manifesto ang mga alkalde   kag  kunsehal sang Negros Occidental, agud suportahan ang pagkandidato ni Benitez sa Bacolod. | Aksyon Marlon Genovea

LACSON KAG IBAN PA NAGHATAG SANG PASADO NGA GRADO KAY DUTERTE

Ginhatagan sang pasado  nga grado ni Negros Occidental Governor Bong Lacson, anay Cong. Albee Benitez  kag Cadiz City Mayor Salvador Escalante Jr.,  ang performance ni  Rodrigo Duterte sa sulod sang pila  ka tuig  nga  pagpungko bilang presidente.

Sa interview sang Provincial Capitol media ,  sila ang pareho  nga naghatag   sang  7 tubtub 8 nga grado sa presidente ,  sa scale  nga 1-10.

Suno kay Lacson, ginhimo  sang presidente ang tanan agud  indi maglala ang epekto sang COVID-19 pandemic  sa ekonomiya sang pungsod.

Suno  naman kay Escalante  bisan pa nga may pandemya ginhatagan sa gihapon sang gobyerno nasyonal sang 13th month Internal Revenue Allotment (IRA),  mga proyekto halin sa gobyerno nasyoinal,  pati na sang libre  nga bakuna kontra COVID-19  ang mga local government units.

Para kay Benitez,   makabig  nga landmark achievements ni Duterte ang universal health care program, kag libre  nga tuition sa tertiary education. | Aksyon Marlon Genovea

NOCPPO GINPATINDUGAN BALAY ANG SENIOR CITIZEN SA LA CARLOTA

Indi matakos nga kalipay ang ginbatyag sang isa ka nga senior citizen matapos ginbag-o ang ila puloy-an sa Purok Uno, Barangay Nagasi, Syudad sang La Carlota.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ang benepisyaryo ginkilala kay Elvisita Quiyo.

Dugang ni Donasco, upod ni Quiyo nga nagapuyo sa iya balay ang iya apo, matapos mapatas ang bana sang tinalikdan lng nga Abril.

Palayag sang Spokesperson ang puloy-an sang benepisyo daw marusdak na bangud sa madaan na nga mga dapat nga kahoy.

Naghimo sang inisiyatibo si PLtCol Jonel Guadalupe, hepe sang La Carlota PNP ng himoon ang amo nga proyekto sa idalum sang BARANGAYANIHAN.

Ini ang pinaka-una nga proyekto nga natigayon kag posible nga masundan pagid ini sa pala-abuton.

Ginpasalamatan man sa NOCPPO ang nagbulig sa amo nga mga proyekto. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.