BIOLAB SA CLMMRH, GIN INAGURAHAN; DOH 6 MAGAHATAG SANG 5M NGA AYUDA SA PAG OPERAR SANG LABORATORYO

Share on facebook
Share on google
Share on pinterest
Share on twitter
Share on print

Gin-inagurahan na ang Biosafety Level 3 Molecular Laboratory sa Corazon Locsin Montelibano Memorial Regional Hospital (CLMMRH) sa syudad sang Bacolod kaina sang hapon, Hulyo 11.

Ang inagurasyon ginpangunahan ni Department of Health-Western Visayas Director IV Dr. Marilyn Convocar, Bacolod Mayor Evelio Leonardia, Bacolod City Lone District Representative Greg Gasataya kag CLMMRH Medical Chief Dr. Julius Drilon.

Ginpasalamatan ni Drilon ang lokal nga panguluhan sang syudad sa suporta sa regional hospital agud mapatukod ang molecular laboratory.

Suno kay Drilon bukas ang molecular laboratory sa isla sang Negros Occidental bisan pa sa bilog nga Western Visayas.

Liwat naman nga gipalab-ot ni Drilon ang kampanya nga “target zero” kun sa diin luyag sini nga wala sang medical staff kag personnel nga matapikan sang COVID-19.

Sa mensahe ni Convocar, ginpalayag sini nga ini man ang ika-78 nga molecular laboratory sa bilog nga pilipinas, ika-apat nga laboratoryo sa Western Visayas kag ika-duha sa probinsya sang Negros Occidental.

Suno kay Convocar, ang molecular laboratory ang makabulig para sa mas madasig nga pagkolekta kag examination sang mga specimen bangud sini mas madasig man paggwa sang resulta sang swab test.

Nagpromisa si Convocar nga magahatag sang 5 milyones pesos nga financial assistance para sa biolab.

Ginpasalamatan man ni Convocar ang lokal nga panguluhan sang syudad sang Bacolod bangud ini ang pinaka-una nga kahigayunan nga nagbulig ang isa ka local government unit sa pagpatukod sang isa ka molecular laboratory.

Nahibaloan nga naghatag sang 20 milyones pesos ang syudad sang Bacolod sa CLMMRH bilang financial assistance sa pagpatukod sang molecular laboratory. | Aksyon John Diaz

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

CAELIAN LIWAT NGA NAGPOSITIBO SA COVID-19

Liwat nga nagpositibo sa coronavirus disease (COVID-19) si Provincial Disaster Management Program Division (PDMPD) Head kag Provincial Incident Management Team (PIMT) Commander Dr. Zeaphard Gerhart Caelian.

Suno kay Caelian, Biyernes Hulyo 23 sang maglain ang iya pamatyag gani siya ang nagpa swab test sang Lunes Hulyo 26 kag nagpositibo sa COVID-19.

Gin swab test man ang myembro sang iya pamilya apang lunsay nagnegatibo ang resulta.

Ginpaidalom na sa decontamination ang opisina sang PDMPD sa Panaad Park Mansilingan kag gin swab test man ang pila ka mga personnel sini nga naka close contact kay Caelian.

Marso 2021, si Caelian ang nagpositibo man sa COVID-19 isa ka adlaw antis ang iya schedule sa una nga dose sang AstraZeneca vaccine.

Sa karon siya ang naka isolate sa Mambucal Resort banwa sang Murcia. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.