Ginahanda na ni Buklurang Manggagawang Pilipino BMP-National President Atty. Luke Espiritu, ang kaso batuk sa mga gwardya sang Tanduay Bottle Sorters matapos ginalegar ginsakit ang mga ginkakas nga empleyado samtang nagapatigayon sang strike sa atubang sang warehouse sa baragay Zone 15, syudad sang Talisay tinalikdan nga Byernes (June 24).
Suno kay Espiritu, ginapreparar na sang ila hanay ang mga dokumento nalakip na ang resulta sang medical examination nanday Andren Mostoles, Jefen Demafeles kag Rezel Pama antis ipasaka ang kaso physical injury sa Talisay City prosecutors office.
Dugang pa ni Espiritu, nalakip sa pasakaan kaso ang pamunuan sang Talisay Logistic Packaging Corporation nga amo ang mandu sa mga guardia para pwersa nga pahalinon ang 46 ka mga empleyado nga nagapatigayon sang peaceful strike.
Ginpaathag sang pamunuan sang Talisay Logistic Packaging Corporation (TLPC) nga indi sila ang employer sang 46 ka mga empleyado nga nagapatigayon sang strike.
Suno kay Edwin Tan General Manager sang TLPC, ilegal ang strike nga ginahimo sang TANSO-SUPER batok sa ila kumpanya bangod ang ZMS Ollie Unlimited Corporation (ZOUC) amo ang direct employer sang mga striker kag indi ang ila kumpanya.
Ginpahayag man ni Tan nga ang ZOUC gid lamang ang makasabat sa demanda sang mga ginpangkakas nga empleyado matapos naghimo sa unyon.
Nagalaum man si Tan nga maresolbar na ang problema sa tunga sang ZOUC kag mga impleyado agud makabalik sa normal ang ila operasyon. | Aksyon Alvin Grava