Ginklaro sang Bongbong Villan Corporation nga nagapadayon karun ang pagproseso sa liwat nga pag apply sang FDA-Certificate Product Registration (CPR) para sa Piaya Original.
Sa mensahe nga ginpadala sang kompaniya sa Aksyon Radyo Bacolod, ginpahayag nga gin disapproved sang FDA ang application para sa Piaya Original bangud nga wala nadeklarar ang prescribed format sang nutrition information kag expiry date.
“Our FDA-CPR application for Piaya Original was disapproved due to the following deficiency: Non-declaration of prescribed format of nutrition information (in %RENI instead of %DV) and of expiry date in dd/month/yy.”, suno sa kompaniya.
Suno sa kompaniya, liwat nga nag-apply ang Bongbong’s kag ginaproseso na ang mga nagakaigo nga dokumento.
Ginklaro man sang kompaniya nga wala sang deperensya ang produkto apang ang teknikal nga aspeto gid lamang sa pagparehistro ang may kulang.
“Our deficiency is not on the safety of the product but rather on the technical side in registering it. In short, our product is safe to consume by the public but we admit that we have lapses in monitoring our FDA-CPR Registration,” dugang pa sang kompaniya.
Base sa dokumento nga gina palab-ot sa Aksyon Radyo Bacolod, ang Piaya Ube nga produkto sang Bongbong’s ang may FDA-CPR nga gin isyu sang Marso 14, 2018 kag valid tubtob Marso 14, 2023.
Kahapon, Hwebes, sang nagisyu ang FDA sang paandam sa publiko nga indi magbakal kag magkaon sang duha ka produkto sang natungdan nga kompaniya bangud wala ini na rehistro kag maglabay sa nagakaigo nga evaluation. | Aksyon John Diaz