Gina tinguhaan sang talatapan ni Punong Barangay Jerry Tingson sang Estefania nga indi na madugangan pa ang kaso sang dengue nga na record sang iya Barangay ilabi na sini nga bulan sang Mayo.
Suno kay Tingson, iya na nga ginhinyo ang bulig sang mga opisyales sa purok kag mga subdivision angut sa iya gina kampanya nga pagpaninlo kag pagpanghawan sa ila tagsa ka mga komunidad kag panimalay.
Dugang pa ni Tingson, maga tukod man sang monitoring team ang iya talatapan nga amo ang maga tutok sa amo nga concern.
Sa nahibaluan nga base sa datus sang City Health Office tinalikdan nga Mayo 7, ang Barangay Estefania kag Singcang Airport amo ang duha ka mga lugar sa Bacolod nga nagpanguna sa listahan nga may yara sang tag 14 tanan ka mga kaso sang dengue. | Aksyon Art Tayhopon
