BTAO: 40 WALA MAKAPASAR SA SCREENING PARA MAG TRAFFIC ENFORCER

Share on facebook
Share on google
Share on pinterest
Share on twitter
Share on print
(BTAO Admin Head Rodolfo Song Photo | Pagkuha sang written exam sang mga nag apply para mag traffic enforcer)

Na disqualified ang kapin 40 ka mga indibidwal nga luyag mag traffic enforcer matapos ang maidid nga screening sang Bacolod Traffic Authority Office (BTAO).

Suno kay Police Major Junji Liba, pamuno sang BTAO, ang 40 ang wala nakapasar sa oral kag written exam kag gin konsiderar man ang ila ikaayong lawas.

Gin ehemplo ni Liba nga may mga traffic enforcer nga lima na tubtob 10 ka tuig sa BTAO pero napaslawan sa screening.

Pero suno kay Liba, ang 40 nga wala nakuha ang gintugyan sa iban nga departamento depende sa ila nga kapasidad.

May kapin 40 naman ka mga dugang personnel ang ginkuha sang BTAO matapos nakapasar.

Sa pinakaulihe nga record sang BTAO, nagdangat na karon sa 270 ang ila personnel, 210 ang yara sa field samtang 60 ang sa ila opisina.

What’s your Reaction?
+1
1
+1
1
+1
0
+1
0
+1
0
+1
1
+1
0

56 KA BAG-O NGA MARKET STALLS SA NEGROS FIRST FOOD TERMINAL PAGABUKSAN SA AGUSTO 15

Pagabuksan na sa maabot nga Agusto 15 ang 56 ka mga market stalls sa bag-o nga Negros First Food Terminal (NFFT) sa dalan North Capitol kag San Juan syudad sang Bacolod.

Ini matapos magpirmahanay sang kontrata ang mga naga-renta kag gobyerno probinsiyal nagligad nga Agusto 3.

Ginsugdan ang pagtukod sang NFFT sang tion ni anay Governor Alfrero Marañon Jr. paagi sa pondo nga gin-loan sang gobyerno probinsiyal sa Land Bank of the Philippines. Ang operasyon sini ang napaidalom sa Economic Enterprise Development Department (EEDD).

Ini ang may duha ka panalgan nga estraktura, may function kag conference rooms para sa mga meetings kag small gatherings sang gobyerno kag pribado nga sektor.

Sa maabot nga Agusto 23, magabukas man ang meat, poultry, fruit, vegetable kag dry goods section, samtang Setyembre 7 naman ang tulahan kitchen. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

DOSE KA MGA ESTABLISAMENTO GINPAPANAUGAN SANG SHOW-CAUSE ORDER SANG SSS BACOLOD

12 tanan ka mga employer ang napadulongan sang Social Security System Run After Contribution Evaders ukon SSS-RACE campaign sa duha ka adlaw nila nga operasyon.

Sa interview sa Aksyon Hotline, ginpahayag ni SSS Bacolod Visayas West 1 Division Regional Communications Officer Charisse Magdalene Avila, duha ka branch sang SSS sa Bacolod ang nag-operate nga amu ang SSS East Branch kag SSS Lacson Branch.

Suno kay Avila, sang Huwebes, ang East Branch ang nagpatigayon sang operasyon sa diin anum ka mga employers ang napadulongan kag sang kahapon Biyernes, anum man ka mga employers ang napadulongan sang Lacson Branch.

Suno pa kay Avila, ang nasambit nga mga employers ang ginhatagan sang 15 diyas agud mag-comply.

Nahibaloan, ang tuyo sang RACE campaign sang SSS amu ang paglagas sa mga employers nga wala gina-remit sang insakto ang kontribusyon sang ila mga empleyado. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.