BTAO HEAD LIBA, NANINDUGAN NGA PATAS ANG PAGPATUMAN SANG MGA POLISA SA DALANON

Share on facebook
Share on pinterest
Share on twitter
Share on print

Ginklaro ni Bacolod Traffic Authority Office (BTAO) Head Police Major Junji Liba nga indi siya bias sa pagpatuman sang mga layi sa dalanon.

Sa interview sa Aksyon Hotline, ginpahayag ni Liba nga ginapanindugan niya nga kun ano ang dapat nga i-implementar amu lamang ang iya ginatuman.

Una na naguwa ang report nga bias si Liba sa pagpatuman sang layi sa modernized jeepney kag traditional jeepney.

Suno kay Liba, wala man siya sang personal nga interes kag ginasunod lamang ang iya trabaho kag responsibilidad.

Bukas si Liba sa ano man nga suhestyon kag bisan sin-o ang pwede gid makapadulong sa iya opisina kag nakahanda siya nga sabton ang mga concerns. | Aksyon Dorel Cabatu

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

BANGKAY NGA NASAPWAN SA BARANGAY TACULING, NAKILALA NA

Ginkumpimar ni PCapt. Dax Santillan, hepe sang BCPO Police Station 6, nga nakilala na ang bangkay sang isa ka call center agent matapos nasapwan nga wala na sang kabuhi sang Sabado, Pebrero 24 sa corner Circon st Corazon Aquino Drive, Barangay Taculing, syudad sang Bacolod.

Suno kay Santillan, ang biktima ginkilala kay Michael Johann Christian Persey, 29 anyos kag residente sang Repullo St. Barangay 5, syudad sang Kabankalan.

Dugang pa ni Santillan, nagpadulong sa opisina sang Police station #6 ang iloy ni Persey kag positibo nga ginkilala sini ang iya bata matapos nagpadulong sa Morgue sang Bacolod Adventist Medical Center.

Ginapahayag man ni Santillan nga nagpamalibad ang iloy sang biktima nga ipaidalum pa sa autopsy ang bangkay ni Persey sa tuyo kon tani nga hibaluon ang “cause of death” sini sa baylo gindala na lamang ang bangkay sang biktima sa syudad sang Kabankalan.

Sa karon blangko pa ag mga kapulisan sa pagkilala sa suspek kag kung ano ang gingamit sa pagpatay.

Madumduman, alas 5:15 sang aga sadtong adlaw sang Sabado, nasapwan ang patay nga lawas ni Persey sa kilid sang dalan nga may pilas sa dughan kag tangkugo.

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.