MENU

BTAO MAGAREKOMENDAR SA ALKALDE SANG PERMANENTE NGA OPISINA

  • at 5:48 pm
Share on facebook
Share on pinterest
Share on twitter
Share on print

Magarekomendar si Bacolod Traffic Authority Office officer-in-charge Patrick Lacson kay Mayor Albee Benitez nga magpangita sang permanente nga opisina sang BTAO sa masunod nga tuig.

Ginpahayag ni Lacson, nga libre sa karon ang ila pag usar sang temporaryo nga opisina sa BazKeT Bacolod sa 15th Lacson Street nga halin sa Metro Towing Services nga 3rd party contractor sang LGU sa clamping kag towing services.

Pero suno kay Lacson, antes magtakop ang tuig dapat may permanente na nga opisina ang BTAO kag iya sini nga target ang sa BREDCO bangud mas barato ang renta sa amo nga lugar.

Suno kay Lacson, may posibilidad nga masukot na sang renta sa masunod nga tuig sa ila karon temporary office pero ginatan-aw nga mahal na ang balayran.

Sa nahibaluan, wala na ginausar ang BTAO office sa sulod sang headquarters sang BCPO bangud sa isyu sang seguridad.

What’s your Reaction?
+1
0
+1
0
+1
0
+1
0
+1
0
+1
0
+1
0

GINAPATIHAN NPA PATAY SA ENKWENTRO SA BINALBAGAN

December 6, 2023

Patay ang isa ka myembro sang New People’s Army matapos ang 5 ka minuto nga engkwentro nga nagluntad sa tunga sang 62nd Infantry Battalion las 5:35 sg aga, Disyembre 6 sa Sitio Caranawan, Barangay Amontay banwa sang Binalbagan.

Suno kay 303rd Brigade Commander BGen Orlando Edralin, wala pa nakilala ang lalaki nga napatay sa engkwentro nga isa sa lima ka persona nga ginapatihan myembro sang Central Negros 1 Komiteng Rehiyon- Negros, Cebu, Bohol kag Siquijor.

Dugang pa ni Edralin, nagpadulong sa lugar ang mga militar bangud sa report nga ila nabaton gikan sa mga pumuluyo nga nagapangilkil ang nasambit nga grupo.

Narecover sang militar ang isa ka rifle kag isa ka caliber 45 nga armas luthang, mga personal nga kagamitan kag pila ka subersibo nga dokumento.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

December 6, 2023

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.