BUSINESS ONE-STOP-SHOP TUBTOB NA SA PEBRERO 29

Share on facebook
Share on pinterest
Share on twitter
Share on print

Gin aprubahan na sang Sangguniang Panlungsod sa Bacolod ang pagpalawig sang Business One-Stop-Shop ukon BOSS tubtob Pebrero 29, 2020.

Ang SP ang nag patigayon sang special session sang Enero 17, para aprubahan ang pangabay sang Metro Bacolod Chamber and Commerce Industry ukon MBCCI nga palawigon ang pagkuha kag pag renew sang business permit tubtob sa masunod nga bulan.

Suno kay Bacolod Vice Mayor El Cid Familiaran, ang extension sang BOSS ang dako nga bulig sa mga negosyante nga padayun nga naga proseso sang ila mga dokumento para indi mag pangatubang sang surcharge.

Suno sa Bise-Alkalde, ila gina tun-an ang posibilidad nga amyendahan ang ordinansa nga himuon duha ka bulan ang BOSS para indi na ini pag palawigon sa kada tuig.

Una na nga nagpaandam si Permits and Licensing Division Head Stela Rose Rayos nga mangin istrikto ang inspection sang syudad sa mga negosyo pagkatapos sang business one stop shop. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

17 ANYOS NGA DALAGA, PATAY MATAPOS GINBUNO SANG PAKAISA BANGUD SA GINALEGAR PAGPALAPTA SANG KUTSO-KUTSO

Patay ang isa ka dalagita sa kaso sang pagbuno nga nagluntad sa Barangay Cabacungan, banwa sang La Castellana pasado las 7 sang aga, Lunes (Disyembre 5).

Ang biktima naga-edad sang 17 anyos samtang ang suspetsado naman naga-edad sang 16 anyos kag pareho nga residente sang amo man nga lugar.

(La Castellana PNP Photo)

Suno kay Police Captain Rhojn Daryll Nigos, hepe sang La Castellana PNP, magpakaisa lamang ang biktima kag ang suspetsado.

Suno kay Nigos, ginhagad sang suspetsado ang biktima nga maglakat sa lugar malayo sa mga pamalay.

Una nga gin-kompronta sang suspetsado ang biktima bangud sang gin-aligar ginapalapta sini nga kutso-kutso batuk sa suspek.

Dugang pa, lipod sa ihibalo sang biktima nga may dala nga kutsilyo ang suspek.

Ginbuno sang suspek ang iya nga pakaisa kag nakaangkon sang madamo nga pilas sa lawas.

Nagkuha pa sang bato ang menor de edad nga suspetsado kag ginlampusan sa ulo ang biktima.

Dead on the spot ang 17 anyos nga biktima samtang ang suspetsado naman ang nagsungka sa kapulisan.

Wala pag-inchindihanay ang nagapanguna nga motibo sa krimen. | Aksyon John Diaz

What’s your Reaction?
+1
0
+1
0
+1
0
+1
4
+1
0
+1
0
+1
0

MIEMBRO SANG VIRTUCIO DRUG GANG NAKUHAAN SANG 340K NGA DROGA SA SAN CARLOS CITY

Naglab-ot sa 340,000 nga balor sang ginasuspetsuhan shabu ang narekober sa buybust operation sa San Juan Tunga Brgy. 5, San Carlos City, Neg. Occ. las 2:54 sang kaagahon, Disyembre 6.

(San Carlos PNP Photo)

Ang suspek ginkilala kay Joseph Pasigay 45 anyos kag ginakabig nga High Value Individual (HVI), Top 5 sa watch list sang kapulisan kag miembro sang Virtucio Drug Gang kag Bacus and Macadatu Sub group.

Nakuha kay Pasigay ang 41 ka heat sealed transparent plastic sachet sang suspected shabu, isa ka coin purse, duha ka empty plastic sachet nga may traces sang shabu, isa ka disposable lighter kag buybust money nga nagabalor P1,100.

Ginabulubanta 50 gramo sang shabu ang na-rekober nga may estimated value nga P340,000.

Si Pasigay ang preso karun sa custodial facility sang San Carlos City Police Station.

What’s your Reaction?
+1
0
+1
0
+1
0
+1
0
+1
0
+1
0
+1
2

MORE STORIES:

LIKE US ON FACEBOOK

error: Ooops... You are not authorized to copy this content.