CARBON: BYAHE BACOLOD-ILOILO VICE VERSA MAGAPADAYON

Share on facebook
Share on google
Share on pinterest
Share on twitter
Share on print

Wala sang matabo nga untat biyahe sa mga Fast crafts.

Suno kay Weesam Operator Frank Carbon, ginhimo na lamang nga isa ka roundtrip ang biyahe padulong Iloilo pabalik sa Bacolod vice versa bangud sa dyutay ang pasahero.

Magahalin ang barko las dose sang udto sa syudad sang Iloilo pakadto Bacolod kag las 2 sang hapon halin Bacolod pakadto Iloilo.

Ginpalayag ni Carbon nga may isa ka shipping line ang nag untat sang biyahe apang wala ginhingadlan kun ano nga fast craft company.

Suno kay Carbon, ginapahanumdom nila sa mga pasahero nga magkaon, mag-inom sang tubig kag mag pangihi na antes magsakay sa barko agud indi mag pakadto pakari sa sulod kag wala na sang rason nga kuhaon ang facemask kag face shield samtang nagabiyahe.

Ginpasiguro ni Carbon nga nabakunahan ang ila mga personnel sang barko, tellers kag porters.

Ginklaro ni Carbon nga wala sang requirements ang pagbiyahe.

UNEGA MAGASAPOL SA AGUSTO PARA SA 2022 ELECTIONS

Magasapol ang local political party nga United Negros Alliance (UNegA) sa una nga bahin sang  Agusto 2021 may kaangtanan sa 2022  nga eleksyon.

Ginpahayag ni UNegA Secretary General  Cadiz City Mayor Salvador Escalante Jr.,ang pagsinapol pamunuan ni UNegA Chairman  Sagay City Mayor Alfredo Marañon III,  kag party President  Vice Governor Jeffrey Ferrer, upod ang mga kongresista  nga myembro sang partido.

Lakip sa pagatalakayon ang isyu angot sa  pag-engkuwentruhanay sang pareho nga myembro sang partido. Gin-ehemplo ni Escalante ang banwa sang Binalbagan, sa diin si anay Mayor Emmanuel Aranda  ang  plano nga magbalik papili bilang alkalde kontra sa incumbent Mayor nga si Alejandro Mirasol.

Sa datos  ni Escalante, 15 ka mga alkalde   kag 3 ka mga kongresista ang nagapabilin nga myembro sang   UNegA .

Duha sa mga alkalde ang magagradwar  na sa 2022 nga sanday Candoni Mayor Ceciro Borromeo  kag Hinoba-an Mayor Ernesto Estrao. | Aksyon Marlon Genovea

GAMBOA MAGAPAPILI VICE MAYOR SA BACOLOD

Gin anunsyo na ni Councilor Wilson Gamboa Jr. nga magapapili ini sa pagka bise-alkalde sa syudad sang Bacolod sa 2022.

Sa interview sang Aksyon Radyo, ginpahayag ni Gamboa, nga bukas man ini nga mangin running mate ni anay 3rd District Congressman Albee Benitez ukon mangin independent.

Suno kay Gamboa, iya respituhon kon ano man ang mangin desisyon sang anay kongresista.

Sadto, gin pahayag sang graduating Councilor nga duha ka posisyon ang iya ginapilian amo ang pagka bise-alkalde ukon kongresista.

MORE STORIES:

LIKE US ON FB

error: Ooops... You are not authorized to copy this content.