CARBON: PLANO NGA PAG-REGULATE SA PAGSULOD SANG AMERIKANO SA PH MAY DAKO NGA EPEKTO SA EKONOMIYA

Share on facebook
Share on pinterest
Share on twitter
Share on print

Dako ang mangin epekto sa ekonomiya sang pungsod Pilipinas kun tumanon sang gobyerno ang ginpalayag sini nga hugot nga regulasyon sa pagsulod sang mga Amerikano sa pungsod Pilipinas.

Suno kay Metro Bacolod Chamber of Commerce and Industry Chief Executive Officer Frank Carbon isa ka sala nga tikang nga awayon ang isa sa pinakadako nga contributor sa pag-uswag sang pungsod.

Suno kay Carbon ang mga amerikano ang isa sa mga highest spending nga dumuluong sa pungsod.

Pagpahayag ni Carbon sa sini nga tion, pierde ang pungsod Pilipinas bangud nga mas mahatagan sang kahigayunan ang mga turista nga tukibon kag mas kilalahon ang iban nga pungsod nga mahimo nila padulungan bangud sa amo nga polisa.

Ginpaathag ni Carbon, madamo man nga mga dalagko nga kompaniya sa pungsod ang ginadumala sang mga amerikano. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI PILASON SA PAGPANGBUNO SA SILAY CITY

Pilason ang isa ka lalaki matapos ginbuno sa Sitio Beraño, Brgy Lantad, syudad sang Silay pasado las 8 sang aga (Martes), Disyembre 6.

Ang biktima ang ginkilala kay Diego Pelaez, 50 anyos samtang ang suspetsado naman ang ginkilala kay Franckie Panesa, legal ang edad kag pareho nga residente sang amo nga lugar.

Suno kay Police Lt. Col. Mark Anthony Darroca, hepe sang Silay City Police Station, nagamaneho sang motorsiklo si Pelaez sang ginlambatan siya sang suspek.

Ginlampusan ni Panesa si Pelaez sang kahoy apang wala ini malambot.

Natumba sa ginamaneho nga motorsiklo si Pelaez kag didto na siya ginpalapitan kag ginbuno sang suspek sa tuo nga bahin sang dughan, kamot kag tudlo.

Gilayon naman nga nagpalagyo ang suspek matapos ang krimen apang siya ang nadakpan sang ginkasa ang hot pursuit operation.

Narekober sa crime scene ang isa ka kutsilyo.

Priso karun si Panesa sa custodial facility sang Silay City Police Station samtang padayon naman nga ginabulong ang biktima sa ospital. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.