Politika

Nagapangabay si Stella Dela Peña, acting Punong Barangay sang Barangay 16, syudad sang Bacolod sa iya mga kasimaryo nga suportahan ang iya liderato sa sulod sang anum ka bulan matapos gin suspend tinalikdan nga adlaw si Kapitan Joseph Delos Santos.

Nagpanumpa kaina sang hapon si First Kagawad Stella Dela Peña bilang acting Brgy. 16 Captain matapos ginpanaogan sang anom ka bulan nga suspensyon si Brgy. 16 Punong Brgy. Joseph Delos Santos.

Aprobado sang Sangguniang Panlungsod sa syudad sang Bacolod ang anum ka bulan nga suspension batuk kay Punong Barangay Joseph Delos Santos sang Barangay 16 base sa unanimous nga desisyon sang konseho sa ila regular nga sesyon kahapon nga adlaw.

Gin kumpirmar ni Atty. Caesar Distrito legal Counsel ni Punong Barangay Noli Villarosa sang Tangub nga ila na nga gin file subong nga adlaw Huwebes Disyembre 8 ang Motion for Reconsideration sa talatapan sang Ombudsman.  

Nagpanumpa na si No. 1 Barangay Kagawad Paul Anieve bilang Kapitan sang Barangay Mandalagan, syudad sang Bacolod.

Ginkumpirmar ni Liga ng mga Barangay President Lady Gles Gonzales nga nagtaliwan si Kapitan Arturo Parreño sang Barangay Mandalagan sang Domingo sang gab-i.

Ginpahayag ni Mayor Albee ni Benitez nga nagabulig ini kay President Ferdinand Marcos Jr. sa gintukod nga ‘movement’ nga ginatawag nga “Kilusan ng nagkakaisang Pilipino” (KNP).
Sa media interview sang Sabado, ginpahayag ni Benitez, iya ginklaro nga indi ini political party kundi isa ka movement.
Suno kay Benitez, nagabulig ini bangud iya ginatan-aw nga isa ini ka solusyon sa tagsa tagsa ka problema sa kada syudad kag bug-os nga Pilipinas.
Ang movement ang ginabug-usan sang mga public official kag sectoral.
Suno kay Benitez, bukas ang movement sa luyag mangin miembro sang KNP ilabi na sa nagapati nga ang solusyon para sa bwas damlag amo ang unity, team work ukon pagkakaisa.

Nagdangat sa 330,621 ang kabug-usan nga botante sa syudad sang Bacolod.