Ginapahayag ni Central Negros Electric Cooperative, Inc (CENECO) Member-Consumer Owner Chief Unice Pasaylo Castillon nga nakabaton sang award ang CENECO gikan sa National Electrification Administration (NEA) bilang nalakip sa Triple A nga kooperatiba sang kuryente.
Sa interview sa Aksyon Hotline, ginpahayag ni Castillon nga ang buot silingon sang Triple A amu ang paghatag sang maayo nga serbisyo sa member-consumer.
Suno kay Castillo, indi lang ini ang una nga beses nga nakabaton sang nasambit nga award ang CENECO bangud tuig 2016 pa lamang sang umpisa nga mabaton sang ahensya ang amu nga award.
Magluwas sini, ginpahayag ni Castillon nga nakabaton pa sang award nga “Lowest residential rate for the Visayas” ang CENECO.
Buot silingon, sa bug-os nga Western Visayas, ang CENECO ang may pinakamanubo nga rate sa kuryente. | Aksyon Dorel Cabatu via Aksyon Hotline