Nagdeklarar sang cholera outbreak ang Bacolod City Health Office sa Barangay Mandalagan kasunod nga duha ka mga bubon ang nagpositibo sa vibrio cholera.
Ini ang base City Health Advisory No. 2 nga pirmado ni Dr. Grace Tan – officer-in-charge sang CHO.
Base sa advisory, base sa water samples nga nakolekta kag ginpaidalum sa laboratory examination sa RITM, nahibaluan nga positibo sa cholera ang isa ka bubon sa Purok Luhod-Luhod kag isa man sa Purok Ipil-ipil.
Sa record sang CHO, ang Mandalagan ang may duha ka mga kaso sang cholera sa Purok Luhod-Luhod.
Suno kay Kapitan Paul Anieve sang Barangay Mandalagan, ginbubuan na sang chlorine ang duha ka apektado nga bubon kag pagasirad-an sa sulod sang 24 oras.
Dugang sang Kapitan, nagpadala na sang tubig ang Philippine Red Cross para usaron sang mga apektado nga panimalay.
Nagligad nga Nobiembre 10, sang may isa man ka bubon sa Purok Luhod-Luhod ang una nga nagpositibo sa cholera.
Una nga outbreak sang Cholera ang gindeklarar sa Barangay Alijis. | ARB File Photo