35 tanan ka mga persona ang nag file sang certificate of candidacy sa syudad sang Bacolod para sa 2019 midterm elections umpisa Oktubre 11 tubtob Oktubre 17.
Sa record sang Comelec-Bacolod, tatlo ang nag file sang COC sa pagka kongresista lakip na sanday incumbent Congressman Greg Gasataya, former Congressman Monico Puentevella kag Dr. Jan Kevin Moises.
Tatlo man ang nag file sang COC sa pagka-Alkalde lakip na sanday incumbent Bacolod Mayor Evelio Leonardia, former Councilor Jocelle Batapa-Sigue kag Mediaman Ray Carmona.
Duha naman ang nag-file sang COC sa pagka-bise Alkalde lakip na si incumbent Bacolod Vice Mayor El Cid Familiaran kag anay Vice Mayor Jude Thaddeus Sayson.
12 ka mga persona ang nag-file sang COC sa pagka konsehal sa idalum sang Grupo Progreso, 11 naman sa idalum sang ABB-MKK, kag apat ang mga independent candidate.
Pinaka ulihe nga nag-file sang COC para sa pagka konsehal amo sanday former Bacolod Councilor Celia Flor kag Paolo Lacson.