Duha ka mga local government units (LGUs) sa probinsya sang Negros Occidental ang gina-konsiderar sang Commission on Elections (COMELEC) nga mahimo kabigon bilang Areas of Concern sa 2022 National and Local Elections.
Suno kay Negros Occidental Election Supervisor Atty. Ian Lee Ananoria, wala pa makapagwa sang guidelines ang National Joint Security Control Center para sa mga parameters agud makabig ang isa ka lugar nga area of concern apang sa pagsinapol sang Provincial Joint Security Control Center ginakonsiderar na ang syudad sang Escalante kag banwa sang Moises Padilla.
Pagpaathag ni Ananoria, isa sa mga basihan sa pagkonsiderar sa duha ka mga LGUs amo ang natabo nagligad nga eleksiyon.
Dugang pa ni Ananoria, hulaton pa sang PJSCC ang resolusyon gikan sa national para diri.
Sa bahin sang syudad sang Bacolod, magasapol pa si Bacolod Election Office Atty. Kathrina Trinio-Caña sa City Joint Security Control Center para mahibaloan kun may areas of concern sa syudad. | Aksyon John Diaz