COMELEC SA PROBINSYA NAGAPREPARAR SA PAGPATUMAN SANG ‘REGISTER ANYWHERE PROGRAM’

Share on facebook
Share on pinterest
Share on twitter
Share on print

Ginapreparahan sang Commission on Elections (Comelec) Negros Occidental ang implementasyon sang Register Anywhere Program (RAP),agud maengganyo ang mga Filipino nga makigbahin sa Barangay kag Sanguniang Kabataan Elections (BSKE) sa Oktubre 30, 2023.

Suno kay Provincial Comelec Supervisor Atty. Ian Lee Ananoria, kabahin ini sa mga aktibidad nga ginligwat sang komisyon may kaangtanan sa natalana nga eleksyon.

Apang ginklaro ni Ananoria nga nagahulat pa sila sang resolusyon agud mahibaluan kun kalakip man ang Negros Occidental ukon Bacolod sa mga pilot areas nga patigayunan sang programa.

Ginsaylo man sang Comelec sa Desyembre 12, 2022 ang pagbalik sang voter registration tubtub Enero 31, 2023.

Nagligad nga Oktubre, gintalana sang Comelec ang pag-umpisa sang voter registration sa Desyembre 9, 2022.

Sa pagbalik sang registration period, iga-feature ang pilot testing sang RAP sa lima ka mga malls sa National Capital Region (NCR).

Sa idalom sang sini nga programa, ang aplikante ang pwede nga makapadulong sa RAP booths agud magsumiter sang required documents bisan pa nga sila ang naga-estar sa iban nga syudad ukon munisipalidad. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MALHABOUR BAG-O NGA SPOKESPERSON SANG BJMP-6

Ginbuslan ni Jail Senior Inspector Mark Malhabour bilang spokesperson sang Bureau of Jail Management and Penology sang Region 6 si Atty. Jairus Anthony Dogelio epektibo Disyembre 1.

Suno kay Malhabour, siya isa man ka abogado, chief sang paralegal sg BJMP 6 kag Regional hearing officer.

Dugang pa antes ma assign bilang spokesperson, siya ang nagserbe nga jail warden sang dumanggas district jail.

Samtang si Dogelio ang gin reassign sa karon bilang Jail Warden sang Iloilo City District Jail-Male Dormitory.

Sa pihak nga bahin,ginpahayag ni Malhabour, sa karon, nagapreparar na ang BJMP facilities sa nagahilapit nga adlaw sang Paskwa kon diin may pahanugot na ang in contact visitation sang mga himata sang mga Persons Deprived of Liberty. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT DAKOP MATAPOS MABAKLAN SANG MARIJUANA SA BUY-BUST

Nakumpiskar ang tatlo ka plastic sachets sang marijuana isa ka high school student matapos positibo nga mabaklan pinaagi sa drug buy-bust operation sang Bacolod City Police Station 9 sa Prk.San Luis, Brgy.Sum-ag syudad sang Bacolod, Martes.

Ang nadakpan ang ginkilala kay Jeremy Lumanog, 19 anyos , ginakabig bilang isa ka street level individual (SLI) kag residente sang Prk. Proper , Brgy. Tabunan syudad sang Bago.

Narekober sa suspek ang 15.50 gramos sang ginapatihan marijuana kag nagabalor sang 2,000 pesos.

Suno kay Police Lieutenant Rondyl Tapang, hepe sang Police Station 9, nga nakabaton sila sang impormasyon nga si Lumanog ang nagabaligya sa kapareho man sini nga estudyante.

Palayag ni Tapang nga ila man hibaluon kung sa diin nagakuha sang supply si Lumanog .

Priso ang suspek sa Police Station 9. | Aksyon Zil Menardo

What’s your Reaction?
+1
1
+1
0
+1
5
+1
4
+1
1
+1
2
+1
6

MORE STORIES:

LIKE US ON FACEBOOK

error: Ooops... You are not authorized to copy this content.