CONG. PADUANO KAG GOLEZ MAGABULIG PARA SA DUGANG NGA PONDO SA PAGPATUMAN SANG BacCHP

Share on facebook
Share on pinterest
Share on twitter
Share on print

Gin kumpirmar ni Abang Lingkod Partylist Congressman Stephen Paduano nga may yara sang pondo nga gin pain ang iya talatapan para sa Bacolod City Comprehensive Health Care Program ukon BacCHP para sa tatlo ka bulan nga nabilin sini nga tuig 2022.

Suno kay Paduano, magluwas sa 8 milyones ka pesos nga iya alokasyon gikan sa DOH Medical Assistance program natalana man nga maga hatag sang 2 Milyones ka pesos nga pondo si Malasakit Partylist Congressman Anthony Golez.

Dugang pa ni Paduano, tinguhaan man nila nga madugangan pa ang amo nga pondo tubtob sa 15 milyones ka pesos kon kinahanglanon para mapasiguro nga mangin epektibo ang implementasyon sang programa.

Suno pa sa Kongresista, nakig angut naman ang iya talatapan sa incharge sang BacCHP sa Bacolod angut sa kinahanglanon nga nga dokumento para sa madasig nga pag release sang amo nga pondo.

What’s your Reaction?
+1
1
+1
0
+1
0
+1
0
+1
0
+1
0
+1
0

POLICE STATION 2 GINPASANYOG PA ANG KAMPANYA KONTRA KRIMINALIDAD

Padayon ang kadalag-an sang Bacolod City Police Station 2 sa mas ginpasanyog nga kampanya batuk sa tanan nga sahi sang kriminalidad kun sa diin madamo ang nagkaladakpan nga mga persona nga may nagkalain-lain nga kaso.

Suno kay Police Captain Paul Vincent Pendon, hepe sang Bacolod Police Station 2, anum ang naaresto sa lima ka drug buy-bust operations nga nagresulta sa pagkumpiskar sang 2,104,389 nga balor sang ilegal nga droga nga nagabug-at sang 309.469 gramos.

Naaresto man ang duha ka most wanted person kag isa diri ang MWP sang station level samtang anum naman ang nadakpan nga other wanted persons.

Sa anti-illegal gambling operations 33 ka indibidwal naman ang nagkaladakpan sa 12 ka operations nga gin patigayon.

Nagapasalamat ang hepe sa mga kaupdanan sa wala untat kag dedikado nga pagtrabaho kasubong man sa kooperasyon sang pumuluyo sa area of responsibility sang Police station 2.

Madumduman nga sa ika -120 kag ika- 121 nga Police Service Anniversary Celebration ang Bacolod City Police Station 2 ang nakabaton sang pareho nga pasidungog nga Best Numbered City Police Station kag Best Unit Campaign Against Illegal Drugs Numbered City Police Station Level. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.