CONSTRUCTION WORKER, PILASON SA PAGPANIRO SA SAN CARLOS

Share on facebook
Share on pinterest
Share on twitter
Share on print

Pilason ang construction worker matapos ginluthang sang riding in tandem sa National Highway, nga sakop sang Hacienda San Antonio, Barangay Guadalupe, syudad sang San Carlos pasado las 5 sang hapon, Enero 24.

Ang biktima ginkilala kay Lloyd Kyamco, 34 anyos kag residente sang Greenville, Barangay Rizal, sa amo man nga syudad.

Suno kay Police Staff Sergeant Mark Anthony Pacilan, imbestigador sang San Carlos City PNP, nagamaneho sang motorsiklo si Kyamco kag papauli na gikan sa trabaho sang ginluthang sang riding in tandem.

Nag-igo ang bala sa dalum nga dulunggan ni Kyamco kag naglapos sa iya nga baba’.

Sa pagpangusisa ni Pacilan, ginpahayag sang biktima nga ang himata sang iya anay asawa ang iya ginasuspetsuhan nga resposable sa likod sang krimen bangud nga may madugay na sila nga kaakig sa iya.

Sa karun, wala pa makilala sang mga kapulisan ang mga suspetsado. Narekober naman sa crime scene ang isa ka basiyo sang bala sang kalibre 45 nga armas luthang. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.