COUNCILOR BARIBAR LIWAT NGA MAGA PATIGAYON SANG PUBLIC HEARING SA PAG AMYENDA SANG CURFEW ORDINANCE

Share on facebook
Share on pinterest
Share on twitter
Share on print

Liwat nga maga patigayon si Councilor Archie Baribar sang public hearing angut sa pag amyenda sang curfew ordinance nga iya gin author sa maabot nga Biernes nga adlaw, Hulyo 31.

Una na nga na aprubahan sa 1st reading ang amendatory ordinance nga ang curfew sang syudad ang ipatuman depende sa quarantine mode sang Bacolod.

Una nga gin kasugtan sa duha ka committee conferences nga kon ang Bacolod ang yara sa GCQ ang curfew ang mag sugod las 10 sang gab-i, kon MGCQ ang curfew ang maga umpisa las 11 sang gab-i kag kon New Normal ang curfew ang maga sugod las 12 sang tungang gab-i tubtob las 4 sang kaagahon.

Suno kay Baribar, tuyo sang sini nga public hearing kon bala dayunon pa ang pag amyenda sang ordinansa kasunod sang pagsaka sang Covid-19 cases sa syudad.

Suno pa sa Konsehal, indi dapat pag dali-dalion ang public hearing kag dapat mahibaluan ang ‘whole picture’ angut sa sitwasyon sa syudad.

Gin imbitar ni Baribar sa public hearing ang frontliners nga yara sa medical field, ang business sector kag iban pa. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

SHORT TERM KAG LONG TERM SOLUTIONS SA PAGBAHA SA BACOLOD, GINTALAKAY

Na identify sang syudad sang Bacolod ang 22 tanan ka mga ‘critical areas’ nga ginbaha kasunod sang pagbunok sang ulan kahapon, Lunes nga adlaw, Okrubre 3.

Ini ang natumod paagi sa ginpatawag nga pagsinapol ni Mayor Albee Benitez kaupod ang DPWH, Bacolod CDRRMO, City Engineer’s Office kag si Vice Mayor El Cid Familiaran kaina sang aga, Martes.

Ini nga mga lugar ang makit-an sa Hi-Strip, SM City, Brgy. 12, Burgos-Hilado St., Downtown Area , Gonzaga Subd., Brgy. Villamonte, Libertad Public Market, Central Market, Lacson-Hernaez St., Rosario-Mabini St., Gonzaga-Lopez Jaena, Luzuriaga-Gatuslao St., Gonzaga-Mabini St., Lopues East, Lupit River, Brgy.40, Mandalagan River, Sta. Ana, Brgy. 31, J.R. Torres, Gatuslao-Hernaez St., Mabini-Libertad St., Hernaez St. malapit sa Cokin Bldg., Magsaysay sa Flyover kag Magsaysay – Lacson St.

(BCD PIO Photo)

Ginpahayag ni Dr. Anna Maria Laarni Pornan, head sang CDRRMO, naghimo sila sang short-term kag long term solutions para ma solusyunan ang problema sa baha.

Ang short term plans ang ginalakipan sang pag-ilis sang manhole cover nga mangin steel grating type, declogging sang drainage systems, pagpadako sang water inlets, pagpalapad sang opening sang mga catch basins, pagpatuman sang maayo kag strikto nga pag-implementar sang -pagkuha kag paghaboy sang basura sa mga barangay, kag paghatag sang pahibalo sa mga stakeholder.

Ginpahayag ni Pornan, nga para sa long-term plan, may ipahamtang nga mga diversion channels para dire ma release ang tubig kag magapakig-angut man ang syudad sa DPWH Bacolod District Engineering Office bangud kalabanan nga proyekto ang napaidalum sa sini nga ahensya.

Natalana pa liwat nga magasapol ang natungdan nga mga opisina para maplastar ang mga solusyon sa pagbaha.

What’s your Reaction?
+1
0
+1
0
+1
0
+1
0
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.