MENU

COUNCILOR DISTRITO GINADUSO ANG PAG AMYENDA SANG ORDINANSA NGA NAGAHATAG INCENTIVES SA MGA GRADUATING HONOR STUDENTS

  • at 10:10 pm
Share on facebook
Share on pinterest
Share on twitter
Share on print
(Councilor Simple Distrito | Bacolod SP FB Photo)

Ginaduso ni Councilor Simple Distrito nga mahatagan sang incentives ang mga graduating honor students sa tanan nga public kag private elementary kag secondary schools nga yari sa syudad sang Bacolod.

Ini ang base sa pag amyenda sang existing nga ordinansa sang syudad nga City Ordinance No. 08-15-723 series of 2015 ukon “The Honor Students Incentives Ordinance of Bacolod City”.

Base sa pag review sang opisina ni Distrito, indi na applicable ang existing nga ordinansa bangud sa pagliwat sang guidelines sang DepEd sa paghatag sang awards.

Suno kay Distrito, ang paghatag sang incentives kag award ang i-classify sa With Highest Honors nga may general average nga 98-100, With High Honors nga may general average nga 95-97 kag With Honors nga may general average nga 90-94.

Ginaduso man ang paghatag sang medal bilang special award sa mga graduating students nga kilalahon nga Outstanding Student Leader Award.

Paathag ni Distrito, bangud sini, indi lamang limitado tubtob 10 ang makabaton sang incentives, kundi depende sa kadamuon sang estudyante nga makalambot sang criteria kag bisan diin halin nga section.

Gintugyanan ang Local School Board kaupod ang City Budget Officer kag PESO Manager sa pag determinar kon pila ang ihatag nga cash incentives depende sa availability sang pondo.

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD TARGET MABAYARAN ANG MGA SUPPLIER SA SULOD 30 DIAS MATAPOS ANG DELIVERY

September 25, 2023

Target nga mabayran sang Bacolod LGU ang mga supplier sa sulod sang 30 dias matapos nga madeliver ang ila ginasupply sa syudad.

Ini ang isa sa mga gintalakay sa ginaduso 3.6 bilyones pesos sa masunod nga tuig sa budget deliberation ni Mayor Albee Benitez kaupod ang mga konsehal kag mga department head sang weekend.

Sa press conference, Lunes, ginbulgar ni Mayor Albee Benitez, nga naglambot sa iya impormasyon nga may mga supplier nga indi na luyag nga magpasakop sa bidding bangud nagaka delay nga pagbayad sang LGU.
Suno sa Alkalde, may mga supplier nga nagadugang sang cost of money ukon interest sang duha ukon tubtob tatlo ka bulan.

Ginehemplo man ni Benitez, nga may supplier sang 2020 nga transaksyon, ang karon gapanukot pa sa syudad.

Ginpahayag ni Mary Jean Ramos, City Planning and Development Officer sang LGU, nga may internal audit ang syudad nga gintugyanan para masiguro nga masunod ang 30 dias nga pag proseso sang bayad sa tuyo nga mapanubo sang syudad ang purchase request.

Ginatan-aw sang mga opisyal nga makakinot ang syudad sa sini nga sistema.

Samtang, ginpahayag ni Benitez nga sa una nga semana sang Oktubre iya igasumiter ang budget proposal sa SP.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 2K KA PULIS MAGAHATAG SEGURIDAD SA MASSKARA 2023

September 25, 2023

Masobra 2,000 ka pulis ang ipalapta kadungan sa selebrasyon sang Masskara Festival sa syudad sang Bacolod.

Suno kay Lt. Col. Ronnie Brillo, Deputy City Director for Administration, Oktubre 6 iga-deploy ang 2, 331 ka personnel. Dugang pa ni Brillo, nag-request naman sila sang augmentation gikan sa Police Regional Office 6 bangud 1,044 lang ang masarangan nga personnel sang BCPO kag may kulang nga 1,287 ka pulis.

Suno kay Brillo kon masarangan sang NOCPPO, posible sa ila gikan ang augmentation antes magkuha sang augmentation gikan sa Iloilo Police Provincial Office kag iban nga units.

Posible man suno kay Brillo nga dugangan ang una nga 25 ka Bacolod City Public Assistance Desk nga ginpahamtang sa strategic areas sa palibot sang syudad.

Samtang, pahimuan ni Bacolod City Police Office Director Col. Noel Aliño sang individual security plan ang kada aktibidad sa Masskara Festival.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.