COUNCILOR ESPINO NAKABATON SANG REPORT NGA MAY STL BUSINESS SA BACOLOD NGA NAGA OPERATE NGA WALA SANG PERMIT SA LGU

Share on facebook
Share on pinterest
Share on twitter
Share on print

Nakakuha si Councilor Al Victor Espino sang certification halin sa Bacolod Permits and Licensing Office nga nagakumpirmar nga wala sang Small Town Lottery ukon STL business sa syudad sang Bacolod.

Sa interview sang Aksyon Radyo, ginpahayag ni Espino, chair sang committee on laws and ordinances, may nabaton ini nga report nga gin alegar may naga operate nga STL business sa syudad nga wala sang permiso.

Bangud sini, ginduso ni Espino ang resolusyon nga nagapangabay sa Bacolod City Police Office, Criminal Investigation and Detection Group, kag NBI nga i-intensify ang kampanya batuk sa pagpanahor ilabi na ang pag sulod sang STL operation sa syudad nga wala sang nagakaigo nga permiso kag prangkisa.

Ginklaro ni Espino, nga wala ini nagapamatok sa STL, pero dapat makuha sang syudad ang nagakaigo nga revenue sa ila nga operasyon.

Suno pa sa Konsehal, maganubo sang 300 million ang share sang Bacolod LGU sa National Tax Allotment (NTA) sa 2023 kag nagakinahanglan nga maka kolekta sang license kag permit fees sa STL operation para makabulig sa pondo sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

MASSKARA FESTIVAL SITES SA AREA SANG POLICE STATION 1 NAGAPABILIN NGA MATAWHAY

Nagapabilin nga wala sang problema ang tatlo ka area of responsibility (AOR) sang Bacolod City Police Station 1 nga amu ang, Bacolod City Public Plaza, Carnival kag Baywalk.

Ginpahayag ni Police Major Ramel Sarona ,hepe sang Police station 1 nga maayo kay naga kooperar man ang mga nagabantay sang kiosko kag mga katawhan nga nagalagaw sa ila AOR.

Suno sa hepe may yara 110 nga PNP personnel ang nakadeploy sa ila nga area ,rason nga hugot ang seguridad sang mga tawo.

Palayag ni Sarona wala man sila may nakuhaan sang deadly weapon sa ila pag tsekyar sa mga tawo nga nagasulod sa Plaza halin sa pagsugod sang Masskara Festival.

Samtang hugot man nga ginadilian ang pagpanigarilyo sa pampubliko nga lugar kag paglagaw samtang may dala nga botelya sang anuman klase nga makahulubog nga ilimnon. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

TOP 2 MOST WANTED PERSON SANG CADIZ PNP, ARESTADO

Dakop ang Top 2 Most Wanted Person sang Cadiz City PNP pinaagi sa pagserbi sang warrant of arrest sa Purok Narra 1., Brgy. Tinampa-an, syudad sang Cadiz pasado las 2 sang hapon, Lunes (Oktubre 3).

Ang nadakpan ginkilala kay Bernardo Dolorosa Jr., 62 anyos kag residente man sang amo nga lugar. Si Dolorosa ang may warrant of arrest sa kaso nga pagpang-abuso.

Ang warrant of arrest batuk kay Dolorosa ang ginpapanaug sadtong Setyembre 27 ni Honorable Judge Gwendolyn Jimenea, ang Presiding Judge sang Regional Trial Court Brang 60 sa syudad sang Cadiz.

Samtang, 200,000 pesos ang pyansa nga gintalana sang korte para sa temporaryo nga kahilwayan ni Dolorosa nga priso karun sa custodial facility sang Cadiz City PNP. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.