COUNCILOR FLOR NANAWAGAN SA MGA NEGOSYANTE SA MANOKAN COUNTRY NGA MAGSUNOD SA COMPROMISE AGREEMENT

Share on facebook
Share on pinterest
Share on twitter
Share on print

Nanawagan si Councilor Celia Flor, chair sang committee on market, sa mga nagapanag-iya sang pwesto sa Manokan Country nga magsunod sa ginkasugtan nga compromise agreement sa syudad.

Suno kay Flor, mas nagsaka ang koleksyon sa bahin sang Central Market, Burgos Market kag Libertad Market subong nga 2022 ikomparar sang 2021.

Pero sa bahin sang Manokan Country, ginpahayag ni Flor nga nagahawot-hawot ang koleksyon sa may mga utang. Suno sa Konsehal, may effort sa pagbayad ang mga negosyante sa Manokan Country pero tuman kagamay.

Ginklaro ni Flor, nga wala anay sang tikang nga pagpasira sa Manokan Country kasunod nga sa bwas nga adlaw, Biernes may patigayunon nga pagsinapol ang local market committee.

Sa impormasyon ni Flor, base sa compromise agreement, sarang mapasira sang syudad ang pwesto kon mapaslawan sa pagbayad sang duha ka sunod-sunod nga bulan, magluwas pa sa ila bulanan nga renta.

Nagpangabay na si Flor sang updated nga report sa mga nagbayad sa syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

CHO: WALA SANG CLUSTERING SANG PERTUSSIS SA BACOLOD

Wala gina rekomendar sang Bacolod City Health Office ang pag deklarar sang outbreak sang pertussis.

Ini matapos nagsaka sa anum ka mga kaso sang pertussis ang na record sa syudad.

Sa press conference, Lunes, ginpahayag ni City Health Officer Dr. Ma. Carmela Gensoli, wala sang clustering sang pertussis sa syudad sang Bacolod.

Nagpasiguro si Gensoli nga preparado ang mga hospital sa Bacolod sa sini nga mga kaso.

Padayon nga ginapanawagan sang Bacolod CHO nga kompletuhon ang bakuna sang mga bata bilang proteksyon sa mga masakit.

Ginpahayag ni Dr. Jevi Marie Ortoño, Medical Officer III kag National Immunization Program Medical Coordinator, sang 2023, yara lamang sa 60% sang 11 mil nga target population sang mga bata nga manug edad isa ka tuig ang nabakunahan.

Suno kay Ortoño, subong nga 2024, yara sa 10 mil ang target population sang mga bata ang target nga makompleto ang bakuna sa pag edad sang isa ka tuig.

Ginpaathag ni Ortoño, lakip sa mga rason nga nagapamalibad ang ginikanan sa bakuna amo nga nagamasakit ang ila bata, wala ang ginikanan sa balay para maghatag permiso sa pagbakuna, ang kabalaka sa side effects kag may yara sang wala nagapati sa bakuna.

Suno kay Ortoño, padayon nila nga gina edukar ang publiko nga mas mataas ang benepisyo sang mahatag sang bakuna sa mga kabataan.

Para kay Dr. Gensoli, preventable kag curable ang pertussis.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.