MENU

COUNCILOR PUENTEVELLA, NAGPANGABAY NGA PADAYON ANG PAGSUNOD SA HEALTH PROTOCOL SA TION SANG MASSKARA

  • at 8:57 pm
Share on facebook
Share on pinterest
Share on twitter
Share on print

Padayon nga ginapanugyan ni Councilor Kalaw Puentevella sa tanan nga mga Bacolodnon kag mga bisita nga magapadulong sa syudad sa tion sang Masskara Festival nga padayunon lamang ang mga tikang nga ginahimo bilang pag halong batuk sa COVID-19.

Ini nga palayag ang ginhimo ni Puentevella kasunod sang iya na nakit-an nga sitwasyon sang publiko sa ginpatigayon nga opening salvo kag Masskara count down sa NGC tinalikdan nga gab-i.

Suno kay Puentevella, dapat paminsaron sang pumuluyo nga wala pa lubos nga madula si COVID-19 gani indi gid dapat nga maghatag sang kumpiyansa.

Na intiendihan man sang konsehal ang excitement kag kahidlaw sang publiko sa pagbalik sang amo nga selebrasyon, apang indi pa panahon nga balewalaon ang mga safety protocol nga gina patuman sang gobiyerno bilang naga panguna nga proteksyon. | Aksyon Art Tayhopon

What’s your Reaction?
+1
0
+1
0
+1
1
+1
0
+1
0
+1
0
+1
0

5.4B NGA BUDGET SANG PROBINSYA SA 2024, APRUBADO NA

December 6, 2023

Pinal na nga gin-aprubahan sang Sanguniang Panlalawigan (SP) ang P5.4 billyones pesos nga annual budget sang Negros Occidental para sa 2024.

Suno kay SP committee on finance chairman First District Board Member Rommel Debulgado nga sa sini nga budget, P5, 244, 603, 544 ang para sa General Fund kag ang nabilin nga P190,041,156 ang para sa Economic Enterprise Develeopment Department (EEDD).

Dugang pa ni Debulgado, 5.66% ang saka sang tuigan nga pondo sa 2024, ikomparar sa P5.1 billion nga budget subong nga 2023.

Ini bangud sa pagbalik saka sa ‘share’ sang probinsiya sa National Tax Allotment (NTA).

Subong nga 2023, nagnubo sa P780 million ukon 12.87% ang annual budget sang probinsiya bangud sa pagbuhin sa NTA sang mga local government units.

Ang pagbuhin sa 2023 nga NTA nga nagpanubo man sa tax collection, ang resulta sang Covid-19 pandemic sang 2020.

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.