DEADLINE SANG RENOVATION SANG TATLO KA PUBLIC MARKET TUBTOB DISYEMBRE 31, 2022 – CITY ADMINISTRATOR

Share on facebook
Share on pinterest
Share on twitter
Share on print

Ginpahayag ni City Administrator Pacifico Maghari III nga tubtob Disyembre 31, 2022 ang deadline sang rehabilitasyon sang tatlo ka merkado sa syudad sang Bacolod.

Suno kay Maghari, ila ginamonitor ang proyekto kag ginalauman nga matapos sa gintalana nga deadline.

Dugang pa sang opisyal, sa tion nga matapos ang proyekto, makabalik na sa sulod ang pila ka mga market vendor nga ginsaylo sa iban nga lugar.

Kapin 50 milyones pesos sa kada merkado ang ginpain sang gobyerno naysunal para sa rahabilitasyon nga nag umpisa sang Leonardia administration.

What’s your Reaction?
+1
0
+1
0
+1
0
+1
0
+1
0
+1
0
+1
0

PROBINSYA NAGPAANDAM SA FAKE BOOKINGS KAG RESERVATIONS

Plano sang Negros Occidental nga pangabayon ang bulig sang National Bureau of Investigation’s (NBI’s) Bacolod Cyber Crime Division agud maimbestigahan kun sin-o ang persona nga responsable sa pagtawag sa pila ka mga establisemento kag resorts agud magpareserba ukon magpa-bookings usar ang ngalan ni Governor Bong Lacson.

Ini ang ginpahayag ni Provincial Administrator Atty. Rayfrando Diaz II, matapos mabiktima sang peke nga bookings kag reservation ang tatlo ka mga establisamento sa syudad sang Bago kag Silay kag Campuestohan Highland Resort sa syudad sang Talisay.

Apang ginklaro ni Diaz nga iya pa ginahulat ang desisyon sang gobernador kun gusto gid sini nga mahibaluan kun sin-o ang sa likod sang amo nga modus.

Suno kay Diaz, siya mismo nakabaton sang mensahe halin sa isa ka pareho niya nga abugado, nga nagapamangkot kun may reserbasyon ang gobyerno probinsiyal sa Campuestohan nagligad nga Desyembre 1.

Dugang ni Diaz, wala madayon ang transaksyon sang nagpakilala nga si Governor Lacson matapos nga nagpakig-angot sa probinsiya ang staff sang Campuestohan.

Nagligad nga Desyembre 2, may tatlo man ka mga fake bookings nga nabaton ang restaurant sa Bago kag Silay sa diin ang isa sa mga ini ang nakuhaan gid sang balor P4,000 nga cellphone load. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

SENIOR CITIZEN, PATAY MATAPOS MABUNGGUAN SANG SALAKYAN SA DALAN BURGOS

Patay ang senior citizen matapos mabunggoan sang Toyota Pick-up nga ginamaniho sang Brazilian National sa dalan Burgos, Barangay Estefania, syudad sang Bacolod Dominggo nga adlaw.

Ang biktima ginkilala kay Cecila Valentino, 64 anyos pumuloyo sang Barangay Minoyan Banwa sang Murcia.

Gindeklarar ni Dr. Jamal Portilo, attending physician sang Metro Bacolod Hospital nga napatay si Valentino matapos madala sa hospital.

Nasungka naman ang driver sang Toyota Pick-up nga ginamaniho ni Julio Cesar Aquino, 44 anyos pumuloyo sang Bethany Court Barangay Estefania syudad sang Bacolod.

Suno kay Police Chief Master Sgt. June Garong, traffic investigator sang Police Station 4, nagatabok sa dalan sang Burgos Street atubangan sang Bangga Capitol Hills Subd. Barangay Estefania si Valentino sang mabunggoan sang salakyan.

Suno kay Garong, handa magbulig si Aquino sa pamilya sang biktima.

Priso ang suspek sa Police Station 4. | Aksyon Eriz Magbanua

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.