DELA PEÑA NAGPANUMPA BILANG ACTING BRGY. 16 CAPTAIN

Share on facebook
Share on pinterest
Share on twitter
Share on print

Nagpanumpa kaina sang hapon si First Kagawad Stella Dela Peña bilang acting Brgy. 16 Captain matapos ginpanaogan sang anom ka bulan nga suspensyon si Brgy. 16 Punong Brgy. Joseph Delos Santos.

Sa interview sa Aksyon Firingline, ginkumpirmar ni DILG -Bacolod head Marideth Joy Madayag ang pagpanumpa ni Dela Peña sa kay Bacolod City Mayor Albee Benitez.

(Albee Benitez FB Photo)

Suno pa kay Madayag, temporary vacant naman ang position ni Dela Peña bilang First Kagawad tungod suspension lamang ang ginpapanaog.

Samtang, ginpahayag ni Madayag nga Sangguniang Panlungsod ang nag serbe sang suspension order sa kay Delos Santos.

Ang suspension ni Delos Santos may angot sa grave abuse of authority bangod sa atrasado nga pag- release sa honoraria, sweldo kag iban pa nga benepisyo sang mga complainants kag iban pa nga barangay workers sa Barangay 16 sang 2021 kag 2022. | Aksyon Ann Defensor-Lisay

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.