Ginpasalamatan sg mga displaced workers sg Bacolod City Water District si Bacolod City Mayor-elect Albee Benitez matapos gin-atubang sila kag ginpamatian sg ila sitwasyon kag problema.
Suno kay Lenny Espina, Presidente sg BACIWA Employees Union, sg Lunes nga adlaw nakigsapol sila kay Benitez kag ginhibalo kon paano ini makabulig sa mga empleyado nga ginkakas bangud sa joint venture kaupod ang Prime Water.
Dugang pa, blanko ang pumuluyo kon ano ang kahimuan kag nalaktan sg serbisyo sg Baciwa-Prime Water sg nag umpisa ang nasambit nga Joint Venture.
Nahibaluan, ang mga displaced workers ang nagatrabaho karon sa mga service providers.
Nagasalig sanday Espina nga mabuligan sila sg manug sulod nga administrasyon. | Aksyon Eden Aboso via Aksyon Hotline
