Ginpahayag ni Negros Occidental DepEd Spokesperson Ian Arnold Arnaiz nga wala na sila sang na-record nga problema humalin sang nag umpisa ang full face-to-face classes.
Sa interview sa Aksyon Firing Line, ginpahayag ni Arnaiz nga wala naman sang problema magluwas sa adjustment sang mga manunudlo agod maakumodar ang tanan nga estudyante.
Nagapati si Arnaiz nga sa dedikasyon kag estratehiya sang kada manunudlo dako ang mabulig agod mapahagan hagan ang pila ka problema kaangay sang kakulang sang pulungkuan tungod sa kadamuon sang mga estudyante.
Sa pihak sini, nagapasalamat si Arnaiz sa pagbalik sang full face-to-face classes tungod mas mahapos ang pagtudlo sang manunudlo kag mas maedukar ang mga estudyante tungod gilayon nga masabat ang mga palamangkutanon sang kabataan. | Aksyon Ann Defensor