DOH 6 GIN POSTPONE ANG PAGPADALA SANG 39 KA MGA DOKTOR SA REGION 6 PAKADTO SA CEBU CITY

Share on facebook
Share on pinterest
Share on twitter
Share on print

Ginbulgar ni Dr. Renilyn Reyes, head sang Public Health Program Development Cluster sa DOH-6 nga pito sa 39 ka mga doktor nga tuyo kuntani isaylo sa pribado nga hospital sa syudad sang Cebu ang taga-probinsiya sang Negros Occidental.

Una diri, temporaryo nga gin-postpone sang DOH-6 ang deployment kasunod sang reklamo sang grupo sang mga doktor angot sa safety kag kakulang sang specific guidelines kon ano ang ila obligasyon sa syudad sang Cebu.

Suno kay Reyes, may iban pa nga mga doktor ang nagpabutyag sang kahadlok ilabi pa nga ang syudad sang Cebu ginakonsiderar na nga sentro sang pandemic.

Samtang, wala sang pulis gikan sa Negros Occidental Police Provincial Office ukon NOCPPO ang ginpadala sa syudad sang Cebu.

Suno kay NOCPPO Spokesperson PMaj Edison Garcia, ang tanan nga ginpadala sa Cebu ang ginkuha sa Police Regional Office ukon PRO-6.

Nahibal-an, masubra 50 ka pulis gikan sa PRO-6 ang ginpadala sa Cebu City para magbulig sa pagpatuman sang enhanced community quarantine ukon ECQ.

Ang Cebu City ang may pinakadamo nga Covid-19 cases sa Pilipinas.| Aksyon Eden Aboso, Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.