Na istorya na sang Police Station 2 kag sang Barangay 2 ang 12 sa 22 ka mga ngalan nga gin akusahan nga protector ukon pusher sang illegal nga droga.
Ang listahan ang nakita upod sa duha ka mga kamot nga ginhaboy sa basuran sa Purok Kagaykay, Barangay 2 sang Myerkules sang aga.
Suno kay Captain Jonito Pastrana, hepe sang Police Station 2, kalabanan sa ila mga residente sang Brgy. 2 kag iban ang indi residente kag may yara man sang estudyante.
Suno kay Pastrana, dapat ipakita nila nga seryoso sila kag ginbayaan ang bisyo sa druga.
Wala ginadula ni Pastrana ang posibilidad nga may grupo sang “drug crusader” nga nagahimo sang kremin agod ipalab-ot nga untatan ang bisyo sa druga agod indi matabo sa ila ang natabo sa duha ka kamot nga nakita sa basurahan.
Nagkadto sa Police Station 2 ang dose sa 22 para ipa blotter ang insidente.
BABAYE NGA NALAKIP SA LISTAHAN
Nagpabutyag sang kahadlok ang isa ka babayi nga nalakip sa listahan angut sa ilegal nga droga nga gin-upod sa duha ka utod nga kamot nga nasapwan sa Brgy. 2 sa syudad sang Bacolod.
Ang nasambit nga listahan ang gin alegar protector sang ilegal nga droga, drug lord kag mga drug pusher.
Aminado si Alyas Nene nga siya ang nadakpan sadtong 2019 bangud sa paglapas sang RA.9165 ukon Comprehensive Dangerous Drugs Act of 2002 kag ginpa-idalom sa probationary tubtob sa karon.
Suno kay Nene nga humalin sang siya ang naka gwa sa prisohan wala na ini nag balik pa kag nag-intra bilang runner sang ilegal nga droga.
Nagapangabay man ang mga yara sa listahan nga Aksyonan sang kapulisan ukon matumod ang suspetsado nga responsable naghimo sang krimen kay ang mga ini ang nagakabalaka bangud may yara sila sang mga pamilya kag ang iban sa ila nagbag-o na. Hungod nga wala gin hingadlan ang tagreklamo agud sa iya seguridad. | Aksyon Eric Magbanua, Aksyon Zil Menardo
