Ginpanawagan ni Department of Heath OIC – Undersecretary Dr. Beverly Lorraine Ho sa mga provincial public officials sang Negros Occidental nga magbuligay agud magmadinalag-on ang implementasyon sang Universal Health Care (UHC) Act, sa idalom snag Republic Act No. 11223.
Ini ang ginpahayag ni Ho sa ginpatigayon nga Negros Occidental Universal Health Care Summit sa Central Hall sang Ayala Malls Capitol Central syudad sang Bacolod.
Suno kay Ho, importante ang pagbuligay sang mga opisyal sang gobyerno labi na ang gobernador kag mga alkalde agud mapatuman ang province kag citywide health system sang UHC.
Ini nga kasuguan ang automatic nga naga enroll sa tanan nga Filipinos sa National Health Insurance Program kag maga garantiya sang patas nga access sa dekalidad kag barato nga healthcare services kag protection sa financial risk.
Ini ang nagahatag man sang mandato sa PhilHealth nga mag-implementar sang comprehensive outpatient benefit, outpatient drug benefit kag emergency medical services sandig sa rekomendasyon sang Health Technology Assessment Council (HTAC). | Aksyon Marlon Genovea | Capitol PIO Photos