DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

Share on facebook
Share on pinterest
Share on twitter
Share on print

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.